មិនធម្មតា! សមាជិក One Direction ១បទជិតកន្លះលាន

2014-10-15 17:32:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមចម្រៀងប្រុស One Direction មានឈ្មោះល្បីល្បាញបំផុតលើពិភពលោក ហើយសមាជិកឈ្មោះ Zayn Malik អាចនឹងទទួលតម្លៃខ្លួនប្រហែលកន្លះលានដុល្លារ ក្នុងការថតបទចម្រៀងមួយបទ។

លោក Zayn Malik

ប្រភពព័ត៌មានបានឱ្យដឹងថា សមាជិកក្រុមរបស់អង់គ្លេសរូបនេះ នឹងត្រូវគេផ្ដល់ប្រាក់ប្រហែល កន្លះលានដុល្លារអាមេរិក ក្នុងការថតបទចម្រៀងមួយបទ ឱ្យខ្សែភាពយន្ត Bollywood ឥណ្ឌា ដែលនឹងមានបញ្ចាំងក្នុងពេលខាងមុខ។

លោក Zayn Malik ជាតារាចម្រៀងមានតម្រូវការខ្ពស់ សម្រាប់ថៅកែផលិតភាពយន្តឥណ្ឌា ដល់ថ្នាក់ពួកគេនឹងរៀបចំផ្ដល់ប្រាក់យ៉ាងច្រើន ដើម្បីជួលតារារូបនេះច្រៀង និងសម្ដែងក្នុងខ្សែភាពយន្តរបស់ពួកគេ។

តារាវ័យ២១ឆ្នាំខាងលើ កំពុងតែមានការចាប់ចិត្តណាស់ ពីសំណាកផលិតករភាពយន្ត ព្រោះគេជឿជាក់ថា ការបង្ហាញខ្លួនរបស់គេ នឹងមានការចាប់អារម្មណ៍ច្រើន។

ផលិតករខ្សែភាពយន្ត Bollywood ម្នាក់ប្រាប់គេហទំព័រ The Mirror ថា៖ "One Direction មានអ្នកចូលចិត្ត និងគាំទ្រច្រើន របស់យុវវ័យ ជាពិសេសនៅក្នុងទីក្រុងធំៗ"។

ទោះបីយ៉ាងណា ស្រាប់តែលេចព័ត៌មានមួយទៀតមកថា ផលិតករភាពយន្តក្នុងទីក្រុង Mumba ហ៊ានឱ្យតម្លៃខ្លួន Malik សមល្មមប៉ុណ្ណោះ គឺមិនដល់កន្លះលានដុល្លារទេក្នុងមួយបទ៕