ព្រោះតែរឿងក្ដៅសាច់ Johnson ត្រូវមិត្តប្រុសសុំបែក

2015-02-24 16:21:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ខណៈពេលកំពុងល្បីល្បាញ ដោយសាររឿងស្រើបស្រាល “ Fifty Shades of Grey” តារាសម្ដែងស្រី Dakota Johnson បែរជាមានរឿងបែកបាក់ស្នេហា ជាមួយមិត្តប្រុសយូរខែ Matthew Hitt ទៅវិញ។

ប្រភពពី HollywoodLife បានឱ្យដឹងថា ក្រោយរឿងខាងលើធ្វើឱ្យ Johnson ល្បី Matthew Hitt ដែលជាមិត្តប្រុសរបស់តួឯកស្រីបានផ្ដាច់ទំនាក់ទំនងជាមួយនាងតែម្ដង។ ប្រភពបន្តថា Matthew ស្អប់ពេលឃើញនាងថតរឿងនេះ ហើយតារាចម្រៀង ម៉ូដែល តន្ត្រីកររូបនេះ ក៏ស្អប់ការនិយាយតគ្នា និងពាក្យចចាមអារ៉ាមថា មិត្តស្រីដែលលោកស្រលាញ់ កំពុងមានស្នេហាជាមួយតួប្រុស Jamie Dornan។ ខ្សែភាពយន្ត “Fifty Shades of Grey” ដឹកនាំដោយលោក Sam Taylor-Johnson និងដកស្រង់តាមសៀវភៅប្រលោមលោក លក់ដាច់បំផុតមួយក្នុងឆ្នាំ២០១២ ដែលនិពន្ធដោយ E. L. James ។ វាជាប្រភេទភាពយន្តស្នេហាក្ដៅសាច់ មានឈុតឆាកសកម្មភាពផ្លូវភេទដ៏ស្រើបស្រាល។ រឿងនេះល្បីល្បាញយ៉ាងខ្លាំងទូទាំងពិភពលោក ដោយរកចំណូលបានរាប់លានដុល្លារ ក្រោយដាក់បញ្ចាំង តាំងពីថ្ងៃទិវានៃក្ដីស្រលាញ់ ប៉ុន្តែប្រទេសមួយចំនួន បានហាមឃាត់មិនឲ្យមានការដាក់បញ្ចាំងរឿងនេះទេ ព្រោះមានភាពសិចស៊ីហួសហេតុខ្លាំងពេក។ Johnson វ័យ២៥ឆ្នាំ និង Matthew បានទាក់ទងគ្នាអស់ពេលប្រហែល៦ខែហើយ បើគិតមកដល់ថ្ងៃពួកគេចែកផ្លូវគ្នានេះ ហើយរូបភាពខាងក្រោម គឺពួកគេដើរលេងជាមួយគ្នាកាលពីខែធ្នូ កាលពីឆ្នាំ២០១៤៕