មួយឈុតរបស់Lady Gaga ចំណាយពេល ១៦០០ម៉ោង និងកម្លាំងមនុស្ស២៦នាក់

2015-02-25 00:24:08
ចំនួនមតិ 0 | ចំនួនចែករំលែក 0

ចន្លោះមិនឃើញ

រ៉ូបសដាំត្បូង និងស្រោមដៃពណ៌ក្រហមមួយគូ ដែលតារាចម្រៀងប៉ុបអាមេរិក Lady Gaga បានស្លៀកពាក់នៅពេលបង្ហាញខ្លួនលើកម្រាលព្រំនៃកម្មវិធីពានរង្វាន់ Oscars កាលពីល្ងាចថ្ងៃទី២២ ខែកុម្ភៈ កន្លងទៅ ត្រូវបានផលិតដោយចំណាយរយៈពេល ១៦០០ម៉ោង (៦៦ថ្ងៃ) និងកម្លាំងមនុស្ស ២៦នាក់។

តារាចម្រៀងម្ចាស់បទ “Applause” បានឲ្យដឹងតាមរយៈគណនី Instagram ថា "ខ្ញុំនឹងមិនអាចបំភ្លេចរាត្រី Oscars បានឡើយ។ អរគុណ Azzedine Alaia សម្រាប់រ៉ូបដ៏ស្រស់ស្អាតនេះ។ រ៉ូបនេះចំណាយពេលប៉ាក់រយៈពេល ១៦០០ម៉ោង ដោយមនុស្សចំនួន២៥នាក់ នៅទីក្រុងប៉ារីស"។

អំពីស្រោមដៃវិញ គឺត្រូវធ្វើឡើងដោយដៃ ដោយលោក Crimson ហើយម៉ូដសក់ផ្កាអ័រគីដេរពណ៌ក្រហមគឺជាការរៀបចំរបស់ Lorraine Schwartz។ នេះបើតាមសម្ដីរបស់ Gaga។

ក្នុងកម្មវិធី Oscars នេះដែរ តារាចម្រៀងប៉ុបវ័យ ២៨ ដែលទើបតែភ្ជាប់ពាក្យជាមួយមិត្តប្រុសឈ្មោះ Taylor Kinney កាលពីថ្ងៃ Valentine's កន្លងទៅ ក៏ទទួលបានការចាប់អារម្មណ៍ច្រើនដែរតាមរយៈការបទចម្រៀងមួយចំនួនពីខ្សែភាពយន្ត “The Sound of Music”។

មុនការសម្ដែងមួយថ្ងៃ តារាចម្រៀងសក់ទង់ដែងរូបនេះបានបង្ហោះរូបភាពមួយសន្លឹកពេលកំពុងហាត់សម ដោយសរសេរភ្ជាប់ថា “ការហាត់សមគឺជាពេលវេលាសំខាន់បំផុតសម្រាប់អ្នកសិល្បៈ ដើម្បីឲ្យការសម្ដែងកាន់តែចូលអារម្មណ៍ល្អ។ សប្បាយចិត្តណាស់សម្រាប់ការសម្ដែងនៅ Oscars ថ្ងៃអាទិត្យនេះ" ៕