ខាត់ សុឃីម ចេញពីហង្សមាស ទៅ Diamond Music?

2015-02-25 16:56:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ទោះបីមានបទចម្រៀងមួយចំនួនកំពុងត្រៀមចេញជាផ្លូវការនៅផលិតកម្ម Diamond Music សម្រាប់រដូវកាលចូលឆ្នាំខាងមុខនេះ ក៏តារាចម្រៀងពហុជំនាញ ខាត់ សុឃីម នៅតែអះអាងថា មិនបានចាកចេញពីផលិតកម្មហង្សមាសនោះទេ។

តារាចម្រៀងខាត់ សុឃីម

តារារូបនេះបានឱ្យ Sabay ដឹងថា ព័ត៌មានលេចឮនោះជាការពិត ប៉ុន្តែច្រៀងតែ២បទប៉ុណ្ណោះដើម្បីជាការឆ្លើយតបនឹងការរាប់អានពីភាគីផលិតកម្ម Diamond Music។ ចំពោះការងារនៅផលិតកម្មហង្សមាសវិញនៅដដែលគឺ មិនប្រែប្រួលនោះទេ ខណៈទ្រនំនេះធ្លាប់បានផ្ដល់ឱកាសជាច្រើននាពេលកន្លងមក។

ខាត់ សុឃីម និយាយថា ៖“ធម្មតាហង្សមាស គាត់ទូលាយសម្រាប់ខ្ញុំណាស់ ដោយមិនបានហាមប្រាមចំពោះការងារកន្លែងផ្សេងនោះទេ គាត់យល់ពីខ្ញុំ"។ ខាត់ សុឃីម បន្ថែមថា ម្យ៉ាងទៀត រូបនាងមិនមែនជាបុគ្គលិកជាប់កិច្ចសន្យាជាមួយផលិតកម្មហង្សមាសនោះដែរ ដូច្នេះភាគីផលិតកម្មបានផ្ដល់សិទ្ធិក្នុងការសម្រេចចិត្តរួមទាំងការច្រៀងក្នុងផលិតកម្មផ្សេង។

ជាមួយគ្នានោះ ខាត់ សុឃីម បញ្ជាក់ទៀតថា កន្លងមកបានចូលច្រៀងឱ្យផលិតកម្មមួយចំនួនរួចហើយដូចជា ផលិតកម្មរៃមាស និងផលិតកម្ម កាលីប ជាដើម ដែលសុទ្ធតែជាចង្វាក់ប្រពៃណីសម្រាប់រដូវចូលឆ្នាំ។ សមាជិកគណៈកម្មការនៃកម្មវិធី The Cambodia Got 's Talent បញ្ជាក់ថា រាល់ស្នាដៃគ្រប់ផលិតកម្ម ដែលបានបកស្រាយរួចហើយនោះ អាចពីរោះជាងបទចម្រៀងនៅឆ្នាំកន្លងមក៕

អានអត្ថបទ៖ កម្រងរូបភាពពីរោងកុនសម័យអតីតកាលដ៏អស្ចារ្យ នឹកឃើញវិស័យភាពយន្តខ្មែរឡើងស្រឺត

អានអត្ថបទ៖ Diamond Music ត្រៀមចេញ៣អាល់ប៊ុម សង្ឃឹមពង្រីកទីផ្សារក្នុងរដូវចូលឆ្នាំ

អត្ថបទ៖ សំ ជំនាញ