បន្ទាប់​ពី​ខាន​បង្ហោះ​អ្វី​ទាំង​អស់​លើ​បណ្ដាញ​សង្គម​អស់​រយៈ​ពេល ៦​ខែ តារា​សម្ដែង​ហុងកុង Jaycee Chan ​ជា​កូន​ប្រុស​របស់​តារា​សម្ដែង​ ឈិនឡុង (Jackie Chan) បាន​បង្ហោះ​រូប​ថត​ពីរ​សន្លឹក​ដែល​បង្ហាញ​ពី​ពេល​ឪពុក​របស់​ខ្លួន​កាត់​សក់​ឲ្យ ដើម្បី​ជា​សញ្ញា​នៃ​ការ​ចាប់​ផ្ដើម​ជីវិត​ជា​ថ្មី។

ភ្ជាប់​ជាមួយ​រូបថត​ តារា​វ័យ ៣២ឆ្នាំ​រូប​នេះ​បាន​សរសេរ​យ៉ាង​ខ្លី​ថា "ចេញ​ពី​ទឹក​ចិត្ត"។ ​

បើ​តាម​សារព័ត៌មាន Oriental Daily News នេះ​គឺ​ជា​លើក​ដំបូង​ហើយ​ដែល​តារា​សម្ដែង ឈិន ឡុង និង​កូន​ប្រុស​របស់​ខ្លួន​ បាន​ជួប​គ្នា​ ក្រោយ​ពី Jaycee ចេញ​ពី​គុក។

កន្លង​មក​ តារា​វ័យ ៦០ឆ្នាំ Jackie Chan បាន​ប្រាប់​អ្នក​សារព័ត៌មាន​ថា លោក​នឹង​ចំណាយ​ពេល​សម្រាក​លំហែ​ជាមួយ​គ្រួសារ​មួយ​រយៈ​នៅ​តៃវ៉ាន់ មុន​នឹង​ចាប់​ផ្ដើម​សកម្មភាព​ផ្សព្វផ្សាយ​រឿង​ថ្មី "Dragon Blade” ជា​បន្ត​ នៅ​ខែ​មីនា។

Jaycee Chan បាន​ជាប់​ពន្ធនាគារ​រយៈ​ពេល ៦ខែ​ បន្ទាប់​ពី​ត្រូវ​គេ​ដឹង​ថា​បាន​ប្រើប្រាស់​គ្រឿង​ញៀន និង​ផ្ដល់​ទី​កន្លែង​ឲ្យ​បក្សពួក​ប្រើប្រាស់​គ្រឿង​ញៀន និង​ត្រូវ​បាន​ដោះ​លែង​ពី​មន្ទីរ​ឃុំឃាំង Dongcheng នៅ​ទីក្រុង​ប៉េកាំង កាល​ពី​ថ្ងៃ​ទី១៤ ខែ​កុម្ភៈ ៕

ចុច​អាន៖កូន​ឈិន ឡុង​បន្ទោស​​​​ឪពុក​​​ថា ធ្វើ​ឱ្យ​​​​​​​​​​ធ្លាក់​ខ្លួន​ប្រើគ្រឿងញៀន