តារាស្រីមានមុខក្នុងរឿង ទិនហ្វី សម្ដែងរឿងថ្មីជាមួយតារាហូលីវូដ

2015-02-26 23:39:52
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាស្រីដែលមានមុខក្នុងរឿង "CJ7" របស់ទិនហ្វី Kitty Zhang ឬ Zhang YuQi នឹងសម្ដែងភាពយន្តថ្មីមានចំណងជើងថា "Lost in the Pacific" ជាមួយតារាសម្ដែងហូលីវូដ សញ្ជាតិអាមេរិក Brandon Routh។

តារាម៉ូដែល Brandon Routh (ឆ្វេង) Zhang Yuqi (កណ្ដាល) និង Vincent Zhou (ស្ដាំ)

រឿង 3D "Lost in the Pacific" ជាប្រភេទភាពយន្តផ្សងព្រេងបែបវិទ្យាសាស្ត្រ ដែលដឹកនាំដោយលោក Vincent Zhou និយាយពីការផ្សងព្រេងរបស់អ្នកដំណើរក្លាហានមួយក្រុម ជិះយានឆ្នាំ២០២០ កាត់មហាសមុទ្រយក្សប៉ាស៊ីហ្វិក។

ភាពយន្តវិទ្យាសាស្ត្រខាងលើ នឹងចាប់ផ្ដើមថតនៅ Pinewood Malaysia Studios ក្នុងរដូវផ្ការីកនៅចិន (ប្រហែលខែមេសា ឬឧសភា) ហើយមានចាក់បញ្ចាំងចុងឆ្នាំនេះ។

Zhang កើតនៅថ្ងៃទី ៨ ខែសីហា ឆ្នាំ១៩៨៦ក្នុងខេត្ត Shandong។ នាងបានចេញពីខេត្តនិងចូលរៀនសាលាសម្ដែងក្នុងទីក្រុង សៀងហៃ នៅអាយុ ១៥ឆ្នាំ។ មកដល់ពេលនេះ តារាស្រីដែលចូលប្រឡូកវិស័យសិល្បៈ តាំងពីឆ្នាំ២០០៧រូបនេះ បានសម្ដែងរឿងជាច្រើនដូចជា “The Longest Night in Shanghai”ឆ្នាំ២០០៧, “CJ7 "ឆ្នាំ២០០៨, "Shaolin Girl “ឆ្នាំ ២០០៨ និងរឿង”Dearest” ឆ្នាំ២០១៤ជាដើម៕