ផ្ទះល្វែងរីកស្គុះស្គាយ....ចុះតម្លៃវិញ?

2015-02-27 17:10:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ប៉ុន្មានឆ្នាំចុងក្រោយនេះសំណង់ផ្ទះល្វែងបានរីកចម្រើនគួរឲ្យកត់សំគាល់ ពិសេសនៅរាជធានីភ្នំពេញ។ ផ្ទះល្វែងទាំងនោះមានម៉ូត ទំហំ និងប្រភេទសំណង់ខុសៗគ្នា។ ថ្ងៃនេះ Sabay នឹងបង្ហាញតម្លៃផ្ទះល្វែងនៅក្រុមហ៊ុនចំនួន ៦៖

-បុរី លឹមឈាងហាក់៖ សាងសង់រួចនៅម្តុំ ចំការដូង ឫស្សីកែវ មុខប្រលានយន្តហោះអន្តរជាតិភ្នំពេញ ស្ទឹងមានជ័យ និងអូរដឹម។ តម្លៃចាប់ពី ៥៩.៥០០ ដុល្លារ ដល់ ៩៨.៥០០ ដុល្លារ។ ចំពោះតម្លៃ ៥៩.៥០០ ដុល្លារ ទំហំ ៤ ម៉ែត្រ គុណ ១៥ ម៉ែត្រ កម្ពស់ផ្ទាល់ដី (Eo)។ តម្លៃ ៩៨.៥០០ ដុល្លារ ទំហំ ៤ ម៉ែត្រគុណ ១៦ ម៉ែត្រ កម្ពស់ (Eo) ស្ថិតនៅផ្លូវមុខ។

- បុរី ប៉េងហួត៖ នៅម្តុំផ្លូវ ឯកឧត្តម ជា សុផារ៉ា ច្បារអំពៅ និងផ្លូវ ៣៧១។ តម្លៃជាង ៨ ម៉ឺនដុល្លារ ទៅជាង ១០ម៉ឺនដុល្លារ ជាប្រភេទសំណង់ផ្ទះល្វែងទំនើប កម្ពស់បីជាន់( Eo ដល់ E3) ទំហំ ៤ ម៉ែត្រគុណ ១៦ ម៉ែត្រ។

-បុរី ស្រេង គង់៖ ទីតាំងសាងសង់រួចស្ថិតនៅផ្លូវឆ្ពោះទៅទួល ពង្រ ទំហំ ៤ ម៉ែត្រគុណ ១២ ម៉ែត្រ កម្ពស់១ជាន់ (Eo) តម្លៃ ៤៥.២០០ ដុល្លារ,កម្ពស់២ជាន់(E1) ទំហំ ៤ ម៉ែត្រគុណ ១២ ម៉ែត្រ តម្លៃ ៦០.៣០០ ដុល្លារ។ ទំហំ ៤ ម៉ែត្រគុណ ១៦ម៉ែត្រ កម្ពស់២ជាន់(E1) តម្លៃ ៨៨.០០០ដុល្លារ។ -បុរី អង្គរភ្នំពេញ៖ តម្លៃចាប់ពី ១៥៨.០០០ ដុល្លារ ដល់ ១៦៨.០០០ ដុល្លារ ទំហំ ៤ ម៉ែត្រគុណ២០ ម៉ែត្រ កម្ពស់បីជាន់ ( Eo ដល់ E3) ។ ស្ថិតនៅហួសកាំកូស៊ីធីមួយគីឡូម៉ែត្រ។ -បុរី ពិភពថ្មី៖ តម្លៃមានពី ៤៨.០០០ដុល្លារ ដល់ ១៣ម៉ឺនដុល្លារ ទំហំ ៤ ម៉ែត្រគុណ ១២ម៉ែត្រ និង៤ ម៉ែត្រគុណ ១៦ម៉ែត្រ កម្ពស់ (Eo,E1)។ ទីតាំងសាងសង់រួចមាននៅកំបូល ចំការដូង និងខណ្ឌសែន សុខ។ -បុរី អាទាំងមាស៖ តម្លៃពី ៨៨.០០០ដុល្លារ ដល់ ១១ម៉ឺនដុល្លារ ទំហំ៤ ម៉ែត្រ គុណ២២ម៉ែត្រ កម្ពស់បីជាន់(Eo ដល់ E3)។ មានទីតាំងស្ថិតនៅផ្លូវជាតិលេខ៦A ត្រង់គីឡូម៉ែត្រលេខ៩៕ អត្ថបទ៖មៃ សុខលីម