វីវរហើយ!...ស្រីអ៊ីត សាន់ដេ ដកសិទ្ធិ

2015-02-27 17:43:19
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រាន់តែក្លាយជាតារាចម្រៀងនៅក្នុងផលិតកម្មសាន់ដេភ្លាម ស្រីអ៊ិត ត្រូវបានផលិតកម្មចាស់វស្សាមួយនេះ ដកសិទ្ធិជាច្រើនករណី។ នេះបើតាមការបញ្ជាក់ពី ស្រីអ៊ីត ប្រាប់ Sabay។

http://youtu.be/qz76njr89bs

ស្រីអ៊ីតប្រាប់ថា ផលិតកម្មសាន់ដេ មិនអនុញ្ញាតឲ្យនាងទៅថត ខារ៉ាអូខេ ក៏ដូចជា ខ្សែភាពយន្តឲ្យផលិតកម្មផ្សេងទៀតឡើយ បន្ទាប់ពីនាង និង នាយក្រូចបានចុះកុងត្រាជាមួយផលិតកម្ម ប៉ុន្តែប្រសិនបើនាងជាប់កុងត្រាថតរឿងឲ្យគេតាំងពីមុនមក អាចបន្តរហូតដល់ចប់បាន។ ចំពោះការលេងកំប្លែង និង ដើរកាត់សក់នៅតាមរោងការ នៅតែអាចបន្តដូចដើម។

ស្រីអ៊ីត និង នាយក្រូច បានចុះកុងត្រា ជាមួយផលិតកម្មសាន់ដេចំនួន ៣ ឆ្នាំ។ ក្នុងវ៉ុលដំបូងនេះ ស្រីអ៊ីត បានឲ្យដឹងថា ផលិតកម្មបានរៀបចំបទចម្រៀងឲ្យនាងច្រៀងចំនួន ៣ បទ ក្នុងនោះមាន ចង្វាក់តាលុង ១ បទ និង កន្ទ្រឹម ២ បទ។ ក្នុងចំណោមទាំង ៣ បទនេះ ស្រីអ៊ិត ចាំឈ្មោះបទចម្រៀងតែ ២ ប៉ុណ្ណោះ គឺបទ ប៉ក់ក្ដាំង និង បទ តុងតាំងប្រលោមស្នេហ៍។

ការមកចាប់អាជីពជាតារាចម្រៀងបន្ថែមលើ អាជីពជាតារាកំប្លែង កន្លងមកស្រីអ៊ីត មិនធ្លាប់ប្រាថ្នាឡើយ តារាកំប្លែងស្រីម្នាក់នេះបាននិយាយថា មកចាប់អាជីពតារាចម្រៀងបន្ថែមនេះ គឺចង់បន្សល់ទុកនៅស្នាដៃទៅថ្ងៃមុខ។

ប្អូនស្រីបង្កើតនាយក្រូចម្នាក់នេះ នៅមិនទាន់ហ៊ានសន្និដ្ឋានមុនថា បទចម្រៀងរបស់ខ្លួន អាចនឹងទទួលបានការគាំទ្រកម្រិតណាឡើយ ដោយរង់ចាំមើលចេញលក់លើទីផ្សារសិន ត្បិតអីអាជីពជា តារាចម្រៀង ដូចទស្សនិកជនបានដឹងហើយនាងមិនធ្លាប់ប្រលូកឡើយ៕