ទូរសព្ទទាំង៦ ដែលមានតម្លៃរាប់លានដុល្លារ

2014-10-06 18:28:17
ចំនួនមតិ 0 | ចំនួនចែករំលែក 0

ចន្លោះមិនឃើញ

កន្លងមកប្រិយមិត្តធ្លាប់តែភ្ញាក់ផ្អើលដោយបានឃើញទូរសព្ទដែលមានតម្លៃថ្លៃរហូតរាប់ម៉ឺនដុល្លារ។ ប៉ុន្តែពេលនេះអ្នកទាំងអស់គ្នាប្រាកដជាបើកភ្នែកធំៗមិនខានពេលឃើញទូរសព្ទមានតម្លៃថ្លៃនឹកស្មានមិនដល់រហូតអាចទិញរថយន្តទំនើបLamborghini មួយគ្រឿងបាន។ ខាងក្រោមគឺជាទូរសព្ទទាំង៦ នៅលើពិភពលោកដែលមានតម្លៃថ្លៃរាប់លានដុល្លារ៖

៦. ទូរសព្ទ Gresso Luxor Las Vegas Jackpot មានតម្លៃ ១លានដុល្លារ

ទូរសព្ទមួយនេះផលិតនៅប្រទេសស្វីសនៅក្នុងឆ្នាំ ២០០៥។ វាស្រោបដោយមាសសុទ្ធទម្ងន់១៨០ក្រាម រីឯសំបកក្រោយធ្វើពីឈើប្រណិតម្យ៉ាងដុះនៅទ្វីបអាហ្វ្រិកដែលមានអាយុកាលជាង២០០ឆ្នាំ ហើយក៏ជាឈើដែលមានតម្លៃថ្លៃបំផុតលើលោក។ ចំណែកឯប៊ូតុងរបស់ទូរសព្ទនេះផលិតពីត្បូងកណ្ដៀង។

៥. ទូរសព្ទ Diamond Crypto មានតម្លៃ ១,៣លានដុល្លារ

Diamon Crypto ដាំដោយពេជ្រចំនួន ៥០គ្រាប់ដែលក្នុងនោះ១០គ្រាប់ជាត្បូងទទឹមដ៏កម្រ ហើយផ្នែកមួយចំនួនផ្សេងទៀតស្រោបដោយមាសសុទ្ធ។

៤. GoldVish Le Million មានតម្លៃ១,៣លានដុល្លារ

ទូរសព្ទមួយនេះធ្លាប់ជាប់កំណត់ត្រាពិភពលោកជាទូរសព្ទស្រោបមាសមានតម្លៃថ្លៃបំផុតរបស់ប្រទេសបារាំងនាឆ្នាំ២០០៦។ លើសពីនេះវាស្រោបដោយមាសស ១៨ការ៉ាត់ និងពេជ្រទម្ងន់២០ការាត់។

៣. iPhone 3G King’s Button មានតម្លៃ ២,៤លានដុល្លារ

វាដាំដោយត្បូងពេជ្រចំនួន១៣៨គ្រាប់ព័ទ្ធជុំវិញហើយប៊ូតុងចុចដាំពេជ្រមួយគ្រាប់ទម្ងន់ ៦,៦ការ៉ាត់។

២. Supreme Goldstriker iPhone 3G 32GB មានតម្លៃ ៣,២ លានដុល្លារ

ទូរសព្ទមួយនេះស្រោបដោយមាសសុទ្ធទម្ងន់២៧១ក្រាមហើយគែមអេក្រង់ជុំវិញដាំពេជ្រចំនួន៥៣គ្រាប់ក្នុងមួយគ្រាប់មានទម្ងន់១ការ៉ាត់។ ចំណែកឯប៊ូតុងចុចដាំដោយត្បូងពេជ្រមួយគ្រាប់ទម្ងន់៧,១ការ៉ាត់។

១. Diamond Rose iPhone 4 32GB មានតម្លៃ ៨លានដុល្លារ

ផ្នែកគែមទូរសព្ទនេះដាំពេជ្រចំនួន៥០០គ្រាប់ដែលមានទម្ងន់សរុប១០០ការ៉ាត់ហើយសំបកផ្នែកខាងក្រោយស្រោបដោយមាសសុទ្ធ រីឯស្លាកសញ្ញារូបApple ដាំពេជ្រចំនួន៥៣គ្រាប់។ ប៊ូតុងចុចនៅខាងមុខ (ផ្នែកគែម) ស្រោបដោយប្លាទីន និងដាំពេជ្រទំហំ៨ការ៉ាត់នៅចំកណ្ដាល៕

ចុចអាន៖ Vertu Aster កញ្ចក់ធ្វើពីត្បូងកណ្ដៀងតម្លៃជិត ១ ម៉ឺនដុល្លារ

ប្រែសម្រួល៖ ប៉ែត ផាន់និត ប្រភព៖ wonderslist

ពាក្យទាក់ទង

ព័ត៌មានបច្ចេកវិទ្យាប្លែកៗ

អត្ថបទពេញនិយម

នៅទីនេះ រាល់យប់គឺមានការប្រគុំតន្ត្រីនៅ – W CLUB PHNOM PENH 2.0

ជំនឿផ្សេងៗទាក់ទងរឿងញាក់ត្របកភ្នែកតាមម៉ោង

ព្រះរាជជីវប្រវត្តិសង្ខេប "ស្ដេចកន" ដកស្រង់ពីឯកសារប្រវត្តិសាស្ត្រ

ចូលរួមរំលែកទុក្ខ ម្តាយអ៊ុន សុទ្ធាទទួលមរណៈហើយ ថ្ងៃនេះនឹងត្រូវបូជាសព

៧យ៉ាងត្រូវធ្វើបើចង់ឲ្យអ្នកដទៃគោរព និងឲ្យតម្លៃ

ជីវប្រវត្តិរបស់ព្រះបាទជ័យវរ្ម័នទី៧ ព្រះមហាវីរក្សត្រខ្មែរដ៏អស្ចារ្យ ពូកែខាងសឹកសង្រ្គាមក្នុងសម័យអង្គរ

អត្ថបទថ្មី

Angelina Jolie កំពុងពិចារណាចាកចេញពីអាមេរិក មករស់នៅកម្ពុជា ខណៈមានផ្ទះនិងដីនៅខ្មែរស្រាប់

វត្តមានរថយន្តអគ្គិសនី Leapmotor B10 បើកបរបាន 600Km បានមកដល់ប្រទេសកម្ពុជាជាផ្លូវការហើយក្នុងតម្លៃត្រឹមតែ $2x,xxx ដោយនាំមកនូវជម្រើសដ៏ឆ្លាតវៃសម្រាប់ទីផ្សារកម្ពុជា

ញាក់សាច់! ត្រឹមថ្ងៃទី ១ នៃការថតភាពយន្ត «សោកនាដកម្មភ្នំខ្មោច» ផលិតកម្ម LD Entertainment ចាយអស់ជាង ២ ម៉ឺនដុល្លារ

រាជធានីភ្នំពេញ ជាប់ឈ្មោះក្នុងបញ្ជី «ទីកន្លែងល្អបំផុតទាំង ២០ សម្រាប់ការធ្វើដំណើរក្នុងឆ្នាំ ២០២៦» ដោយ BBC Travel

ក្រុមហ៊ុន Khmer Fresh Milk (Kirisu) និងក្រុមហ៊ុន Sabay បានចូលរួមឧបត្ថម្ភថវិកាចំនួន ១១ ២៧០ ០០០រៀល សម្រាប់ជួួយបងប្អូនភៀសសឹក

Smart Axiata ដាក់ឱ្យប្រើប្រាស់សេវា 5G ដើម្បីលើកកម្ពស់ការអភិវឌ្ឍសេដ្ឋកិច្ចឌីជីថលកម្ពុជា