អតីតគ្រូបង្រៀន បង្កើតឧបករណ៍តន្ត្រីចម្រុះអូសតាមកង់ ល្បីពេញប្រទេសចិន
- 2015-02-28 16:11:16
- ចំនួនមតិ 0 | ចំនួនចែករំលែក 0
អតីតគ្រូបង្រៀន បង្កើតឧបករណ៍តន្ត្រីចម្រុះអូសតាមកង់ ល្បីពេញប្រទេសចិន
ចន្លោះមិនឃើញ
បុរសចំណាស់វ័យ ៦៩ឆ្នាំម្នាក់នៅក្រុង Luoyang ខេត្ត Henan ប្រទេសចិន បានទាក់ទាញចំណាប់អារម្មណ៍ពីសាធារណៈជនយ៉ាងខ្លាំង ដោយសារលោកមានសមត្ថភាពអាចបង្កើតឧបករណ៍តន្ត្រីចម្រុះដល់ទៅ៩ ខុសៗគ្នា និងប្រគំបានដោយប្រើដៃ ជើង ព្រមទាំងច្រៀងតែម្នាក់ឯងប៉ុណ្ណោះ។
លោក Lu Feixing ដែលជាអតីតគ្រូបង្រៀននៅសាលាមជ្ឈិមក្រុង Luoyang មានចំណង់ចំណូលចិត្តផ្នែកតន្ត្រី និងចាប់យកជំនាញឧបករណ៍តន្ត្រីនានាតាំងពីនៅតូចម៉្លោះ។ បុរសវ័យចំណាស់នេះ បាននិយាយប្រាប់សារព័ត៌មានចិនមួយថា ខ្លួនអាចលេងឧបករណ៍ភ្លេងជាច្រើនដូចជា ផ្លុំខ្លុយ និងកូដទ្រ ចុចអកជាដើម...។
បន្ទាប់ពីចូលនិវត្តន៍ លោកបានចាប់ផ្ដើមយកទ្ររបស់ខ្លួនទៅប្រគំជាមួយតន្ត្រីករផ្សេងទៀតនៅទីលានក្រុង។ នៅពេលសមាជិកក្រុមផ្សេងទៀតមិនអាចប្រគំឧបករណ៍របស់ពួកគេបាន លោកចាប់ផ្ដើមប្រគំជំនួសឧបករណ៍ទាំងអស់នោះព្រមគ្នា។ បន្ទាប់ពីឃើញអ្នកចម្រៀងពាក់កាសត្រចៀក និងដាក់មីក្រូជាប់មាត់កុំឲ្យពិបាកកាន់ ពេលច្រៀង និងរាំ លោកបានបង្កើតវាដោយខ្លួនឯងទៀត។
អតីតគ្រូបង្រៀនពោលពេញដោយទេពកោសល្យសិល្បៈ បានដឹកឧបករណ៍តន្ត្រីទាំងអស់របស់ខ្លួន តាមរយៈកង់កញ្ចាស់ ដែលកែច្នៃឡើងដោយខ្លួនឯង នៅពេលលោកទៅសម្ដែងនៅកន្លែងណាមួយ។ លោក Lu បាននិយាយដោយមោទនភាពថា "ចាស់ៗចូលចិត្តតន្ត្រីបុរាណ ចំណែកក្មេងៗចូលចិត្តតន្ត្រីប៉ុប... តែខ្ញុំវិញស្រលាញ់ទាំងពីរ ហើយចេះលេងទាំងពីរហ្នឹង"។
ចុចអាន៖ ប្លង់ព្រលានយន្តហោះថ្មីទីក្រុងប៉េកាំង មើលទៅធំមហិមាអស្ចារ្យ
ប្រែសម្រួល៖ គង់ វិសាល ប្រភព៖ shanghaiist