៧ឆ្នាំសោះក្លាយជាអ្នកដឹកនាំរឿងអាជីពក្មេងបំផុតបំបែកកំណត់ត្រា Guinness
- 2015-02-28 18:42:46
- ចំនួនមតិ 0 | ចំនួនចែករំលែក 0
៧ឆ្នាំសោះក្លាយជាអ្នកដឹកនាំរឿងអាជីពក្មេងបំផុតបំបែកកំណត់ត្រា Guinness
ចន្លោះមិនឃើញ
ក្មេងប្រុសនេប៉ាល់ម្នាក់បានធ្វើឲ្យពិភពភាពយន្តមានការភ្ញាក់ផ្អើលដោយសមត្ថភាពដ៏អស្ចារ្យដែលអាចដឹកនាំរឿងជាលក្ខណៈអាជីពក្នុងវ័យដ៏ក្មេងត្រឹម ៧ ឆ្នាំ។ ក្មេងប្រុស Saugat Bista ត្រូវបានកំណត់ត្រាពិភពលោក Guinness ចាត់ចូលជាអ្នកដឹកនាំរឿងអាជីពក្មេងបំផុតក្នុងលោកបំបែកកំណត់ត្រាចាស់របស់កុមារា Kishan Srikanth ក្នុងឆ្នាំ ២០០៦ ដែលកាលណោះគេមានអាយុ ៩ ឆ្នាំ ក្នុងវ័យត្រឹម ៧ឆ្នាំ និង ៣៤០ថ្ងៃ។
Saugat Bista ទទួលវិញ្ញាបនបត្រកំណត់ត្រាពី Guinness
ក្មេងប្រុសថ្នាក់ទីពីរដែលទទួលបន្ទុកថតរឿងអាជីពរូបនេះ បានដឹកនាំរឿងដំបូងរបស់ខ្លួនមានចំណងជើងថា "Love You Baba” ដោយប្រើពេល ២៧ ថ្ងៃថតជុំវិញប្រទេសនេប៉ាល់។ ពេលផ្ដល់សម្ភាសជាមួយសារព័ត៌មានចិនស៊ីនហួរពីចំណាប់អារម្មណ៍ពាក់ព័ន្ធនឹងការទទួលកំណត់ត្រាពិភពលោក Saugat បានឆ្លើយដូចមនុស្សធំដឹងក្ដីថា "ខ្ញុំរីករាយដែលទទួលបានការទទួលស្គាល់នេះ។ វាជាលទ្ធផលនៃចំណង់ចំណូលចិត្ត ក្ដីស្រឡាញ់ និងការជឿជាក់ដ៏ធំធេងពីឪពុកម្ដាយខ្ញុំ"។
សកម្មភាព Saugat ដឹកនាំរឿង
Saugat មិនមែនមិនធ្លាប់ពាក់ព័ន្ធនឹងភាពយន្តទាំងស្រុងទេ កាលពីអាយុ ៥ ឆ្នាំគេធ្លាប់សម្ដែងក្នុងភាពយន្តឯកសារ និងពាណិជ្ជកម្មទូរទស្សន៍មួយចំណួនដែរ។ ក្រៅពីនេះ គេមានឪពុកម្ដាយ និងបងប្អូនដែលធ្វើការក្នុងវិស័យភាពយន្តស្រាប់ជាអ្នកជ្រោមជ្រែងពីក្រោយ។
ក្មេងប្រុសដ៏ពោរពេញដោយទេពកោសល្យនេះ គ្រោងថតភាគទីពីរនៃរឿង "Love You Baba” ក្នុងពេលពេលខាងមុខទៀតផង។ មើលសកម្មភាពដឹកនាំរបស់ Saugat ខាងក្រោម៖
http://youtu.be/lfP7gQzxlVQ
ប្រភព៖ Xinhua