ឈិន ឡុង៖ ខ្ញុំចង់ឱ្យកូនចូលគុក៦ខែម្ដងរាល់ឆ្នាំ

2015-03-02 16:19:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាប់ក្នុងមន្ទីរឃុំឃាំងអស់៦ខែ តារាចម្រៀង Jaycee Chan បានផ្លាស់ប្ដូរអកប្បកិរិយា ក្លាយជាមនុស្សម្នាក់ផ្សេងទៀត ដែលចេះគិតគូរនិងឧស្សាហ៍ជាងមុន។ ពេលឃើញដូច្នេះកំពូលតារាក្បាចគុន ឈិន ឡុង ដែលជាឪពុក បានសម្ដែងក្ដីត្រេកអរ ហើយ "ចង់ឱ្យកូនប្រុសចូលពន្ធនាគាររាល់៦ខែម្ដង"។

រំលឹកដល់អាកប្បកិរិយាមិនល្អរបស់កូន កាលពីមិនទាន់ជាប់គុក តួឯករឿង "Dragon Blade” បាននិយាយថា លោកនៅតែមិនអាចផ្លាស់ប្ដូរអត្តចរិត Jaycee បានទេ។ ខុសស្រឡះនឹង Jaycee ពីមុន ឥលូវនេះរូបគេចេះជួយម្ដាយចំអិនអាហារ ចេះសម្អាត និងបានចំណាយពេលនិយាយលេងជាមួយឪពុកច្រើន។

ដោយសង្ឈឹមថាចរិតរបស់ Jaycee នឹងល្អបែបនេះរហូត តារាចូលចិត្តលេងភាពយន្ត វាយទាត់ធាក់ហក់លោត ឈិន ឡុង បន្ថែមទាំងលេងសើចថា "ខ្ញុំប្រាប់គាត់ថាហេតុអីកូនឯង មិនចូលពន្ធនាគារ៦ខែម្ដងរាល់ឆ្នាំ?"។

ចំណែករឿងដែលឪពុកមិនបានជួយខ្លួន ឱ្យរួចផុតពីការដាក់ទោស Jaycee មិនខឹង និងគ្មានចិត្តគុំកួនអ្វីទេ ហើយលោកបានប្រលយសម្ដីលេងសើចជាមួយឪពុកថា " ប៉ា...ឥលូវខ្ញុំមានបទពិសោធន៍ច្រើនជាងប៉ា ហើយពេលខាងមុខ បើប៉ាមានរឿងអ្វីដោះស្រាយមិនបាន សូមមករកកូនចុះ!"។

Jaycee Chan បានជាប់ក្នុងទ្រុងដែកអស់៦ខែ ដោយជាប់ចោទពីបទ ប្រើនិងផ្ដល់ជម្រកដល់ អ្នកប្រើប្រាស់គ្រឿងញៀន។ កាលពីថ្ងៃទី១៤កុម្ភៈ ក្រោយតុលាការដោះលែងបានប៉ុន្មានថ្ងៃ បុរសវ័យ៣២ឆ្នាំរូបនេះ បានធ្វើសន្និសីទមួយក្នុងទីក្រុងប៉េកាំង ដើម្បីសូមទោសជាសាធារណៈ ចំពោះការប្រព្រឹត្តខុសរបស់ខ្លួន៕

កូនឈិន ឡុង ចេញពីគុក អ្នកកាសែតរបួសលាន់

ពេលចេញពីគុក កូនឈិន ឡុង និយាយអ្វីខ្លះ?

ប្រែសម្រួល៖ អ៊ុំ សុភក្តិ ប្រភព៖ jaynestars