ចាងហ្វាងផលិតកម្ម LD Picture លៀក លីដា ចូលរោងការ យប់មិញ

2015-03-02 17:10:35
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកដឹកនាំរឿងវ័យក្មេង និង ជាចាងហ្វាងផលិតកម្ម LD Picture លៀក លីដា ចូលរោងការយប់មិញ ដោយមានតារាល្បីៗជាច្រើននាក់ចូលរួមអបអរសាទរ។

ចាងហ្វាងផលិតកម្មរូបនេះ មិនអាចសុំការអត្ថាធិប្បាយបានទេ ដោយទូរសព្ទរបស់លោកមិនអាចទាក់ទងបាននៅព្រឹកនេះ។ តែប្រភពពីសិល្បករម្នាក់និយាយនៅលក្ខ័ណ្ឌសុំមិនបញ្ចេញឈ្មោះប្រាប់ថា ភរិយាផលិតករខាងលើមិនមែនជាអ្នកសិល្បៈទេ គឺជាអ្នកជំនួញ។ អ្នកទាំងពីរស្រលាញ់គ្នាយូរមកហើយ ដោយទើបតែធ្វើពិធីមង្គលការ ម្សិលមិញ។

ប្រភពដដែលបន្តថា សិល្បករ សិល្បការិនី ជាច្រើនរូប បានបង្ហាញវត្តមានក្នុងកម្មវិធីខាងលើ ដែលញ៉ាំងឱ្យមង្គលការទាំងមូលមានភាពអធិកអធមកាន់តែខ្លាំងឡើង។

ចាងហ្វាងផលិតកម្ម LD Picture ក្នុងពិធីមង្គលការយប់មិញ

លោក លៀក លីដា ចាប់ផ្ដើមអាជីពជាអ្នកដឹកនាំក្នុងឆ្នាំ ២០០៨ ជាអ្នកដឹកនាំខារ៉ាអូខេ។ ក្នុងឆ្នាំ ២០០៩ លោកបានបោះជំហានទៅកាន់ផលិតកម្ម Rock ដោយកាន់តំណែងជាអ្នកគ្រប់គ្រងផ្នែក វីដេអូ។

ដោយមើលឃើញពីសក្ដានុពលផ្នែកភាពយន្តផលិតកររូបនេះក៏និពន្ធរឿងមួយឈ្មោះ "អាបពាក់មួកសុវត្ថិភាព" ដោយសហការជាមួយផលិតកម្ម RGB ដើម្បីដំណើរការ។ ក្រោយពីមានឈ្មោះបោះសំឡេងគ្រាន់បើក្នុងវិស័យភាពយន្តលោកក៏សម្រេចចិត្តបើកផលិតកម្មផ្ទាល់ខ្លួនក្នុងឆ្នាំ ២០១១ ដោយដាក់ឈ្មោះ LD Picture។

ខ្សែភាពយន្តដែលលោកបានផលិត ទទួលការចាប់អារម្មណ៍ពីទស្សនិកជនមានដូចជា

-រឿង អាបពាក់មួកសុវត្ថិភាពវគ្គ ១ និង វគ្គ ២ -រឿង ទេវតាធ្លាក់ពីលើមេឃ -រឿង សំណើចអ្នកផ្សងព្រេងទាំង ៤ -រឿង កូនប្រសាឡឺកឺ -រឿង ក្រឡអីហ្នឹង -រឿង បង្គោលគ្រាក់សង្កត់វិញ្ញាណ៕

អានអត្ថបទបន្ត៖ ទាំងការនិយាយ និង ច្រៀង ខេម អាចនឹងវីវរ

អានអត្ថបទបន្ត៖ នោះ! នៅវៀតណាមមានការបង្ហាញម៉ូដអីចឹងទៀត

អានអត្ថបទបន្ត៖តារាកូរ៉េស្រី ៥រូប តើនរណាមានរាងសិចស៊ីជាងគេ?