នារីអាថ៌កំបាំងក្នុងថ្ងៃកំណើត Justin Bieber និងSelena Gomez មួយណាស្អាតជាង?

2015-03-03 16:23:21
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅថ្ងៃខួបកំណើតគម្រប់ ២១ ឆ្នាំរបស់ Justin Bieber កាលពីថ្ងៃអាទិត្យកន្លងទៅនេះ មាននារីពីរនាក់លេចមុខក្នុងលក្ខណៈល្អូកល្អិនជាមួយគេជាខ្លាំង។ នារីទាំងពីរនាក់នោះគឺតារាម៉ូដែល Yovanna Ventura និង Hailey Baldwin។

នារីម្នាក់ក្នុងចំណោមអ្នកទាំងពីរខាងលើគឺ Yovanna ត្រូវបានគេដាក់ការសង្ស័យថា អាចជាស្នេហ៍ថ្មីរបស់តារាចម្រៀងកាណាដា។ តារាម៉ូដែលដែលចូលចិត្តបង្ហោះអួតរូបកំប៉េះគូទរូបនេះធ្លាប់ចង់ទាក់ទង Justin តាំងពីចំណងស្នេហ៍រវាងគេ និង Selena Gomez មិនទាន់ដាច់ស្រេចគ្នាម្ល៉េះ។ ហើយការបង្ហាញមុខក្នុងពិធីខួបកំណើតម្ចាស់បទ "Boy Friend” ស្របពេលដែលគ្មានវត្តមាន Selena Gomez កាន់តែបង្ហាញពីឱកាសដែលនាងអាចនឹងក្លាយជានារីទី ១ ក្នុងចិត្តរបស់ Justin Bieber។

Yovanna ថើប JB នៅថ្ងៃខួបកំណើត

តំណាលគ្នានេះ គេហទំព័រ Hollywoodlife បានស្រង់សម្ដីប្រភពកៀកកិតនឹង Selena Gomez ពីអារម្មណ៍របស់នាងពេលដឹងថា មានស្រីៗចូលរួមពិធីខួបកំណើត Justin Bieber។ ប្រភពនិយាយថា Selena មិនខ្វល់អ្វីនឹង JB ទៀតទេ ហើយនាងក៏ដឹងថា នារីទាំងពីរនាក់នោះ ( Yovanna Ventura និង Hailey Baldwin) តែងព្យាយាមមកក្បែរអតីតមិត្តប្រុសតាំងពីនាងនៅត្រូវរ៉ូវគ្នាម្ល៉េះ។

ការនិយាយបែបនេះអាចជាឱកាសដ៏ល្អសម្រាប់ Yovanna ជ្រៀតចូលបេះដូង Justin Bieber ហើយ តែមិនដឹងថា តារាចម្រៀងកាណាដាសម្បូរបញ្ហារូបនេះព្រមទទួលយកនាងឬអត់។ ឥលូវយើងទៅមើលរូបរាងរបស់នារីដែលគេសង្ស័យថា ជាកំណាន់ចិត្ត JB នេះមើលថា ស្អាតជាង Selena Gomez ឬអត់?