ធ្លាក់យន្តហោះស្លាប់អតីតប្រធានក្រុមហ៊ុនអាកាសចរណ៍ និងប្រពន្ធ
- 2014-09-15 22:14:46
- ចំនួនមតិ 0 | ចំនួនចែករំលែក 0
ធ្លាក់យន្តហោះស្លាប់អតីតប្រធានក្រុមហ៊ុនអាកាសចរណ៍ និងប្រពន្ធ
ចន្លោះមិនឃើញ
អតីតប្រធានក្រុមហ៊ុនអាកាសចរណ៍មួយរបស់ប្រទេសអាហ្សង់ទីន Gustavo Deutsch និងប្រពន្ធ បានបាត់បង់ជីវិតក្នុងឧប្បត្តិហេតុធ្លាក់យន្តហោះកាលពីល្ងាចម្សិលមិញ។
ហេតុការណ៍ដ៏អាក្រក់នេះ បានកើតឡើងនៅជាយក្រុង Buenos Aires ប្រទេសអាហ្សង់ទីន។ អណ្តាតភ្លើងបានឆេះសន្ធោសន្ធៅឡើង នៅពេលដែលយន្តហោះធុនតូចមួយគ្រឿងបានធ្លាក់ចំដំបូលផ្ទះរបស់អ្នកស្រុក មុនបន្តធ្លាក់ទៅលើលំនៅឋានមួយទៀត។ ចំណែកឯជនរងគ្រោះទាំងពីរនាក់បានបាត់បង់ជីវិតភ្លាមៗ។
បើតាមសារព័ត៌មាន Buenos Aires Herald របស់អាហ្សង់ទីន បានបញ្ជាក់ថាអ្នកបញ្ជាយន្តហោះនេះ បានព្យាយាមចុះចត មុនពេលមានគ្រោះថ្នាក់កើតឡើង។ ទោះយ៉ាងណា មិនទាន់មានរបាយការណ៍លម្អិតចំពោះមូលហេតុនៃការធ្លាក់នេះនៅឡើយទេ។
លោក Gustavo Deutsch គឺជាអតីតប្រធានក្រុមហ៊ុនអាកាសចរណ៍ LAPA របស់ប្រទេសអាហ្សង់ទីន ប៉ុន្តែបច្ចុប្បន្នក្រុមហ៊ុននេះ បានបិទទ្វារហើយ៕
ប្រែសម្រួល៖ គង់ វិសាល ប្រភព៖ buenosairesherald
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
