Balotelli បង្ហោះរូបផ្អែមល្ហែម ជាមួយកូនស្រី Pia
- 2015-03-04 18:04:00
- ចំនួនមតិ 0 | ចំនួនចែករំលែក 0
Balotelli បង្ហោះរូបផ្អែមល្ហែម ជាមួយកូនស្រី Pia
ចន្លោះមិនឃើញ
មនុស្សភាគច្រើនយល់ថា Mario Balotelli មានអាកប្បកិរិយាចម្លែក និងចូលចិត្តធ្វើអ្វីប្លែកៗខុសគេ ប៉ុន្តែតាមពិតខ្សែប្រយុទ្ធក្រុម Liverpool រូបនេះ ក៏ដូចមនុស្សគ្រប់គ្នាដែរ ពោលគឺចេះថ្នាក់ថ្នមមនុស្សជាទីស្រលាញ់។ ជាក់ស្ដែង កាលពីម្សិលមិញ កីឡាករអ៊ីតាលីរូបនេះ បានបង្ហោះរូបភាព១សន្លឹកនៅលើ Instagram ដោយគេងជាមួយកូនស្រី Pia។
ខ្សែប្រយុទ្ធហង្សក្រហម វ័យ២៤ឆ្នាំរូបនេះ បានប្រកាសជាផ្លូវការថា រូបគេពិតជាឪពុករបស់ក្មេងស្រីវ័យ២ឆ្នាំ ឈ្មោះ Pia កាលពីឆ្នាំមុន បន្ទាប់ពីទៅពិនិត្យ DNA រួចមក។ Balotelli មានកូនស្រីរូបនេះ ជាមួយនឹងអតីតមិត្តស្រី ដែលជាតារាម៉ូដែលអ៊ីតាលី Rafaella Fico។
Balotelli បានចូលហ្វឹកហាត់ជាមួយនឹងក្រុម Liverpool កាលពីថ្ងៃចន្ទ បន្ទាប់ពីហង្សក្រហមសង្ឃឹមបានតំណែងកំពូលទាំង៤មកវិញ ក្រោយបំបាក់ Man City ២-១ កាលពីថ្ងៃអាទិត្យ។ ទោះយ៉ាងណា ខ្សែប្រយុទ្ធរូបនេះ ពុំបានចូលលេងក្នុងប្រកួតនោះទេ ដោយបានត្រឹមតែបម្រុងតែប៉ុណ្ណោះ។ ប្រកួតបន្ទាប់ ហង្សក្រហម នឹងប៉ះ Burnley នៅម៉ោង៣:០០រំលងអាធ្រាត្រយប់នេះ៕
ចុចអាន៖ Balotelli កំពុងយ៉ាប់យ៉ឺនហើយ ត្រូវគូដណ្ដឹងបោះបង់ទៀត
ប្រែសម្រួល៖ វិន ជីវ័ន្ត ប្រភព៖ Daily Mail