Enrique៖ "Barcelona អាចលើកពានទាំង៣ រដូវកាលនេះ"
- 2015-03-04 22:14:24
- ចំនួនមតិ 0 | ចំនួនចែករំលែក 0
Enrique៖ "Barcelona អាចលើកពានទាំង៣ រដូវកាលនេះ"
ចន្លោះមិនឃើញ
Luis Enrique អ្នកចាត់ការក្រុម FC Barcelona បានលើកឡើងថា ក្រុមរបស់លោកអាចនឹងលើកពានរង្វាន់ទាំង៣ព្រមគ្នា នៅរដូវកាលនេះ ដែលរួមមានពានក្នុងស្រុក Copa del Rey, La Liga និងពានកំពូលរបស់អឺរ៉ុប UEFA Champions League ថែមទៀត។
Barca នឹងប៉ះក្រុម Villarreal ក្នុងការប្រកួតពានរង្វាន់ Copa del Rey វគ្គពាក់កណ្ដាលផ្ដាច់ព្រ័ត្រ ជើងទី២ នៅយប់នេះ វេលាម៉ោង២:០០នាទី ខណៈដែលកាលពីជើងទី១ ក្រុមអ្នកមានបុណ្យបានយកឈ្នះ ៣-១ នាំមុខរួចហើយ។
ក្រុមខ្លាំងអេស្ប៉ាញមួយនេះ ចាញ់ពិន្ទុក្រុម Real Madrid តែ២ពិន្ទុប៉ុណ្ណោះ នៅក្នុងក្របខ័ណ្ឌ La Liga និងនាំមុខ ២-១ ទៅលើក្រុមអង់គ្លេស Manchester City ក្នុងការប្រកួត Champions League ជើងទី១ វគ្គ១៦ក្រុមទៀតផង។
អ្នកចាត់ការសញ្ជាតិអេស្ប៉ាញ Enrique បាននិយាយថា៖ "គោលដៅរបស់យើង គឺត្រូវការជ័យជម្នះជានិច្ច។ យើងចង់ឈ្នះគ្រប់ការប្រកួតទាំងអស់ ហើយនៅចប់រដូវកាល យើងចង់មានឱកាសលើកពានរង្វាន់ទាំងអស់"។
រីឯក្រុម Villarreal ក៏មិនធម្មតាដែរ ព្រោះទើបតែស្មើ ១-១ ជាមួយនឹង Real Madrid និងកំពុងតែឈរនៅលេខ៦ ក្នុងលីកថែមទៀត។ ប៉ុន្តែអ្នកចាត់ការក្រុម Barca និយាយថា ក្រុមរបស់លោកនឹងសម្រុកយកឈ្នះឲ្យទាល់តែបាននៅយប់នេះ។
តើប្រិយមិត្តគិតថា Barca អាចលើកពាន៣ ដូចការលើកឡើងរបស់លោក Enrique ដែរឬទេ?
ចុចអាន៖ Barca ឈ្នះ៣-១ ប៉ុន្តែ Suarez ហាក់មិនសប្បាយចិត្តសោះ
ប្រែសម្រួល៖ វិន ជីវ័ន្ត ប្រភព៖ Goal.com