ចេញធៀបការ ស្រីតូច ចំណាន ជាមួយអ្នកឧកញ៉ា គិត ម៉េង ហើយ!

2015-03-04 22:55:19
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីធ្លាយដំណឹងតាំងពីពាក់កណ្ដាលឆ្នាំ២០១៤ ពេលនេះ កាន់តែច្បាស់ការ ហើយអតីតតារាចម្រៀង ស្រីតូច ចំណាន នឹងចូលរោងជ័យជាមួយអ្នកឧកញ៉ា គិត ម៉េង នៅថ្ងៃទី ២០ មីនាខាងមុខ។ នេះបើតាមលិខិតអញ្ជើញដែលត្រូវបានគេចែកចាយលើបណ្ដាញសង្គម។

តាមលិខិតអញ្ជើញនោះ កូនកំលោះឈ្មោះ គិត ម៉េង ឯកូនក្រមុំឈ្មោះ ម៉ៅ ចំណាន ដែលត្រូវគេដឹងថាជាឈ្មោះពិតរបស់ ស្រីតូច ចំណាន។ ពិធីនេះនឹងធ្វើឡើងនៅថ្ងៃទី ២០ មីនា ២០១៥ ត្រូវនឹងថ្ងៃ១កើត ខែចែត្រ នៅមជ្ឈមណ្ឌលសន្និបាត និងពិព័រណ៌កោះពេជ្រ ដោយទម្លាយអគារ៥បញ្ចូលគ្នាតែម្ដង គឺអគារ L.J.K.I.H។

ទន្ទឹមនឹងការបែកធ្លាយធៀបការរបស់ ស្រីតូច ចំណាន ជាមួយអ្នកឧកញ៉ា គិត ម៉េង គ្រានេះ ប្រភពម្នាក់ស្ថិតក្នុងចង្កោមសិល្បៈ ក៏បានបង្ហើបដូចគ្នាប្រាប់ Sabay ដែរថា អតីតតារាស្រី និងអ្នកឧកញ៉ា នឹងរៀបមង្គលការនៅថ្ងៃទី ១៩ មីនា ខុសគ្នាតែមួយថ្ងៃប៉ុណ្ណោះនឹងព័ត៌មានក្នុងលិខិតអញ្ជើញ។ យ៉ាងណា គេមិនទាន់ដឹងថា សិល្បករ សិល្បការិនីដែលជាមិត្តរួមអាជីពរបស់ ស្រីតូច ចំណាន នឹងមានវត្តមានក្នុងពិធីដែលគេរំពឹងថានឹងធំគគ្រឹកគគ្រេងឬអត់ទេ ប៉ុន្តែអ្វីដែលច្បាស់ គឺមន្ត្រីធំៗ អ្នកមុខអ្នកការ នឹងមានវត្តមាន។ "តាមខ្ញុំគិត អ្នកសិល្បៈប្រហែលជាអត់ទេបងអើយ គឺមានតែមន្ត្រីធំ ឯកឧត្តមអីហ្នុងហើយ ព្រោះតាមខ្ញុំដឹង អ្នកឧកញ៉ា មិនចង់ឲ្យ ចំណាន រាប់អានអ្នកសិល្បៈផងទេ!”។ ប្រភពបន្ថែម។

មុនទទួលបានលិខិតអញ្ជើញពីប្រភពនេះ ព័ត៌មានពីពិធីមង្គលអតីតតារាស្រីជាមួយ អ្នកឧកញ៉ា ក៏ទើបធ្លាយជាថ្មីដែរថា នឹងប្រព្រឹត្តទៅនាកាលបរិច្ឆេទខាងលើ។ ក្នុងនោះ តាមព័ត៌មាន គ្រាន់តែរ៉ូបអាពាហ៍ពិពាហ៍មានតម្លៃ ១០ម៉ឺនដុល្លារសហរដ្ឋអាមេរិក។ ជារួមចំណាយក្នុងអាពាហ័ពិពាហ៍នេះ ខ្ទង់ជាង ១លានដុល្លារឯណោះ៕

អត្ថបទ៖ មើលចុះ…!រលកក្រោយ ស្អាតៗប៉ុណ្ណឹង ជំនួសរលកមុនបានអត់?

អត្ថបទ៖ ទារិកា