មើលចុះ...!រលកក្រោយ ស្អាតៗប៉ុណ្ណឹង ជំនួសរលកមុនបានអត់?

2015-03-04 18:29:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ទន្ទឹមនឹងសិល្បកររៀមច្បងវ័យកាន់តែវិវត្តន៍ទៅមុខ ខ្លះក៏ដកខ្លួនពីសិល្បៈ រលកក្រោយសុទ្ធតែស្អាតៗក៏បានដុះមកព្រាត។ ពួកគេ កំពុងតែពេញនិយម ខណៈម្នាក់ៗសុទ្ធតែបាន និងកំពុងក្ដោបជាប់ការងារសិល្បៈជាច្រើនតាមជំនាញរៀងៗខ្លួន មានដូចជាសម្ដែងភាពយន្ត ខារ៉ាអូខេ ស្ប៉តពាណិជ្ជកម្ម ដើរម៉ូដ និងពិធីការិនីទូរទស្សន៍ជាដើម។

ពួកគេទាំងនោះមាននរណាខ្លះ? សូមតាមដានព័ត៌មានខ្លីៗពីពួកគេជាមួយ Sabay រួចចាំផ្ទឹមសម្រស់ពួកគេថា អ្នកណាគួរឲ្យទាក់ចិត្តជាង? ហើយអាចជំនួសជំនាន់មុនបានអត់?

១.បេនីយុំាង៖ ស្រីស្អាតម្នាក់នេះ មានវ័យ ២៣ឆ្នាំ។ កញ្ញា ត្រូវបានគេស្គាល់ច្រើនក្រោយថតចម្រៀងខារ៉ាអូខេឲ្យផលិតកម្មសាន់ដេ ពិសេសក្រោយចេញមុខថតរូបសិចស៊ីកៀកកើយជាមួយ អេនឌី ថ្មីៗនេះ។ បច្ចុប្បន្នផលិតកម្មភាពយន្តមួយចំនួន កំពុងតាមចរចាជាមួយនាង។

២.សៀក សក្ដិរុណា៖ តារាស្រីសម្បុរស្រអែមស្រស់រូបនេះ កំពុងតែមមាញឹកខ្លាំងមែនទែនជាមួយការងារថតស្ប៉តពាណិជ្ជកម្មក្រុមហ៊ុននានាស្ទើររកពេលសម្រាកគ្មាន ក្នុងនោះមានស្ប៉តទឹកបរិសុទ្ធវីតាល់ សណ្ឋាគារសុខាជាដើម។ ក្រៅពីស្ប៉តពាណិជ្ជកម្ម សក្ដិរុណា ក៏កំពុងពេញនិយមសម្រាប់បទចម្រៀងខារ៉ាអូខេរបស់ផលិតធំៗដូចជា ហង្សមាស ថោន និងសាន់ដេជាដើម។ មកទល់ពេលនេះ សក្ដិរុណា ទើបមានវ័យ ១៩ឆ្នាំប៉ុណ្ណោះ។ រុណា នឹងថតខារ៉ាអូខេឲ្យហង្សមាសទៀតនៅថ្ងៃស្អែក។

៣.នៅ ម៉ារីសា៖ តារាស្រីមានវ័យ ២០ឆ្នាំរូបនេះ កំពុងទទួលបានការចាប់អារម្មណ៍ ក្រោយលេចមុខក្នុងរឿង "អូនជាការចងចាំបង" ឬ "You Are My Memory” ក្នុងតំណែងជាតួឯកស្រី។ កាន់តែគួរឲ្យចាប់អារម្មណ៍ ស្រីស្អាតរូបនេះ ក៏ត្រូវបានផលិតកម្មមួយនៅប្រទេសថៃចាប់អារម្មណ៍ និងបាននាំយកនាងទៅដាក់ក្នុងភាពយន្តខ្នាតធំរបស់គេមួយរឿងមានចំណងជើងថា "ខ្មោចរបាំ" ទៀតផង។ ក្រៅពីតារាសម្ដែង ម៉ារីសា គឺជាពិធីការិនីទូរទស្សន៍មួយរូបដែរ។

៤.ស៊ីន យូប៊ីន៖ អតីតស្រីស្អាតលេខ១ឆ្នាំ ២០១៣រូបនេះ ក៏ជាតួឯកស្រីក្នុងរឿង "អូនជាការចងចាំបង" ឬ "You Are My Memory” ជាមួយ ម៉ារីសា ដែរ។ ប៉ុន្តែមុននេះ យូប៊ីន ចាប់បានតំណែងតួឯកក្នុងរឿងភាគ "និស្ស័យស្នេហ៍ខ្ញុំ" របស់ទូរទស្សន៍ MyTV រួចស្រេច។ តារាស្រីវ័យ ២០រូបនេះ មានជំនាញមួយទៀត ជាពិធីការិនីទូរទស្សន៍ និងជាតារាស្រីពេញនិយមសម្រាប់ស្ប៉តពាណិជ្ជកម្មនានាដែរ ដែលមានដូចជា ស្ប៉ត M-150 Angkor Beer និងទឹកអនាម័យស្ត្រី PH Care ជាដើម។

៥. ចន្ធី វល័ក្ខ ៖ អតីតតួឯកស្រីក្នុងកម្មវិធី "អង្គរសង្ក្រាន្ត" ឆ្នាំ ២០១៤។ តារាស្រីវ័យ ១៩ ឆ្នាំរូបនេះ ក៏ពេញនិយមសម្រាប់ស្ប៉តពាណិជ្ជកម្មដែរមានដូចជា ស្ប៉តទឹកដោះគោ Best Cow និងសាប៊ូវីសូ ជាដើម។ ក្រៅពីនេះ កញ្ញា នៅបានចូលរួមក្នុងភាពយន្តផងដែរ ដូចជារឿង "ទឹកចិត្តភរិយា" ជាដើម។

៦. ផាន វីរ៉ាទី៖ តារាស្រីវ័យ ២២ឆ្នាំ រូបនេះ ទទួលបានការចាប់អារម្មណ៍ច្រើនបន្ទាប់សម្ដែងរឿង "កំលោះចាប់ហួយ"។ បើប្រៀបនឹងតារាស្រីខាងលើៗ វីរ៉ាទី មានជំនាញច្រើនយ៉ាង ដោយនាងអាច ច្រៀង ដើរម៉ូដ សម្ដែងភាពយន្ត និងជាពិធីការិនីទៀត ដោយបច្ចុប្បន្នកំពុងកាន់តំណែងពិធីការិនីក្នុងកម្មវិធីតន្ត្រីលើទឹករបស់ទូរទស្សន៍ហង្សមាស។

៧.អេន យ៉ាដាវ៖ យ៉ាដាវ គឺជាតារាម៉ូដែល ប៉ុន្តែនាងអាចច្រៀង និងសម្ដែងបានទៀត ដោយថ្មីៗនេះ នាងទើបបានចូលរួមថតភាពយន្តខ្នាតធំមួយរឿង "ខ្ញុំថាខូច ខូចមែន!" ត្រៀមបញ្ចាំងឆាប់ៗ។តារាស្រីវ័យ ២០ រូបនេះ ក៏កំពុងចាប់អារម្មណ៍ក្នុងទីផ្សារស្ប៉តពាណិជ្ជដូចគ្នា កញ្ញាបានចូលរួមរួចរាល់ជាមួយស្ប៉តរបស់ Nokia ឯមួយចំនួនទៀត កំពុងស្ថិតក្នុងដំណាក់កាលចរចាគ្នា។

៨.ហង្ស ម៉ារីនី៖ តារាស្រីរាងតូចច្រឡឹងរូបនេះ ទើបចាប់បានតំណែងតួឯកស្រីក្នុងភាពយន្តខ្នាតធំបន្តបន្ទាប់គ្នា គឺរឿង "ព្រលឹង Facebook” និងរឿង "បេសកកម្មមរណៈ" នាដើមឆ្នាំ ២០១៥នេះ។ រីនី ប្រាប់ថា មានការងារសិល្បៈច្រើនទៀតបានរត់មករកនាង ប៉ុន្តែនាងនៅជាប់ការសិក្សានៅសាកលវិទ្យាល័យបញ្ញាសាស្ត្រ។

៩. សុវណ្ណា ហ្គិច៖ នាងបានប្រឡូកនឹងការសម្ដែងក្នុងភាពយន្តជាច្រើនកាលពីចុងឆ្នាំ ២០១៤។ មកដល់ឆ្នាំថ្មី តារាស្រីវ័យ ២៣ឆ្នាំរូបនេះ បែរជារវល់នឹងការងារថតចម្រៀងខារ៉ាអូខេច្រើនជាងទៅវិញ ពិសេសរបស់ផលិតកម្មថោន។ ដូចគ្នានឹងស្រីស្អាតខាងលើៗ សុវណ្ណា ហ្គិច ក៏បានមានវត្តមានក្នុងស្ប៉តពាណិជ្ជកម្មនានាដែរ ដូចជាស្ប៉តពាណិជ្ជកម្មទូរសព្ទ T-Phone ជាដើម។