វីដេអូដ៏កម្ររបស់កូរ៉េខាងជើង បង្ហាញថា គីម ជុងអ៊ុន ដូចឪពុកបេះបិទ
- 2015-03-05 23:04:07
- ចំនួនមតិ 0 | ចំនួនចែករំលែក 0
វីដេអូដ៏កម្ររបស់កូរ៉េខាងជើង បង្ហាញថា គីម ជុងអ៊ុន ដូចឪពុកបេះបិទ
ចន្លោះមិនឃើញ
វីដេអូដ៏កម្រ បង្ហាញពីអតីតមេដឹកនាំកូរ៉េខាងជើង គីម ជុងអ៊ីល កំពុងត្រួតពិនិត្យស្ថានីយទូរទស្សន៍មួយ កាលពីជាង ៣០ឆ្នាំមុន ត្រូវបានប្រព័ន្ធផ្សព្វផ្សាយរដ្ឋយកមកចាក់ផ្សាយបង្ហាញជាសាធារណៈ។ អ្វីដែលគួរឲ្យចាប់អារម្មណ៍នោះ គឺទាំងទម្រង់មុខ និងការស្លៀកពាក់ ព្រមទាំងកាយវិការ ហាក់ដូចគ្នាបេះបិទជាមួយកូនដែលកំពុងកាន់អំណាច និងជាមេដឹកនាំរបស់កូរ៉េខាងជើងបច្ចុប្បន្ន គីម ជុងអ៊ុន។
នៅក្នុងវីដេអូខ្លី គេឃើញលោក គីម ជុងអ៊ីល កំពុងធ្វើដំណើរទស្សនកិច្ចនៅស្ថានីយទូរទស្សន៍ និងកំពុងនិយាយទៅកាន់ពិធីករ ព្រមទាំងក្រុមផលិតករ។ ដោយសារការស្លៀកពាក់ និងកាយវិការ ព្រមទាំងទឹកមុខពេលនិយាយទៅកាន់បុគ្គលិកទូរទស្សន៍ ធ្វើឲ្យមនុស្សជាច្រើនមើលឃើញថា អតីតប្រធានាធិបតីកូរ៉េខាងជើងដែលឡើងកាន់តំណែងក្នុងឆ្នាំ១៩៩៤ រូបនេះ ដូចគ្នាជាមួយកូនខ្លួន ដែលកំពុងកាន់តំណែងបច្ចុប្បន្ន។
លោក គីម ជុងអ៊ីល
លោក គីម ជុងអ៊ីល បានស្លាប់កាលពីខែធ្នូ ចុងឆ្នាំ២០១១ ក្នុងវ័យ ៧០ឆ្នាំ។ បន្ទាប់មក លោក គីម ជុងអ៊ុន ត្រូវជាកូន បានឡើងកាន់តំណែងបន្តពីឪពុក។ បច្ចុប្បន្ននេះ ក្នុងនាមជាអ្នកកាន់កាប់ក្បាលម៉ាស៊ីននៅលើដែនដីដែលមានប្រជាជនជិត ២៥លាននាក់ លោក គីម ជុងអ៊ុន កំពុងធ្វើឲ្យពិភពលោកចាប់អារម្មណ៍យ៉ាងខ្លាំង និងបានបង្កព្យុះភ្លៀងលើឆាកអន្តរជាតិមិនស្ទើរទេ៕
http://youtu.be/aOw560pc8c8
ចុចអាន៖ គីម ជុងអ៊ុន ប្រាប់កងទ័ពឲ្យប្រុងខ្លួនធ្វើសង្គ្រាមគំរាមអាមេរិក
ប្រែសម្រួល៖ គង់ វិសាល ប្រភព៖ dailymail