យន្តហោះដឹកអ្នកដំណើរ១២៧នាក់ រអិលប៊ិះធ្លាក់ចូលក្នុងសមុទ្រ

2015-03-06 16:10:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ជើងហោះហើរមួយរបស់ក្រុមហ៊ុនអាកាសចរណ៍ Delta ដែលកំពុងដឹកអ្នកដំណើរ ១២៧នាក់ និងក្រុមការងារ ៥នាក់ បានរត់ចេញពីផ្លូវ បែរក្បាលទៅរកសមុទ្រ នៅព្រលានយន្តហោះ LaGuardia រដ្ឋញូវយ៉ក សហរដ្ឋអាមេរិក បណ្ដាលឲ្យមនុស្សមួយចំនួនធំរងរបួស។

យន្តហោះម៉ាក MD-88 និងជាជើងហោះហើរ 1086 ដែលហោះចេញមកពីទីក្រុងអាត្លង់តា បានជួបគ្រោះថ្នាក់នេះ បន្ទាប់ពីជម្នះចុះចតក្នុងអាកាសធាតុអាក្រក់កំពុងមានព្យុះព្រិលយ៉ាងខ្លាំង។ ភ្លាមៗនោះ អ្នកដំណើរ ១២៧នាក់ត្រូវជម្លៀសចេញភ្លាមៗ ហើយក្រុមការងារលើយន្តហោះ ៥នាក់ទៀតបានចាកចេញដោយសុវត្ថិភាពក្នុងរយៈពេល ៣០នាទីបន្ទាប់។

អាកាសយានដ្ឋានបានបញ្ជាក់ថា ជើងហោះហើរ 1086 បានឆេះនៅខាងក្នុង បើទោះជាគ្មានសញ្ញាបង្ហាញឲ្យឃើញផ្ទាល់ភ្នែកក៏ដោយ។ ក្រោយជួបហេតុការណ៍ដ៏អាក្រក់ យន្តហោះនោះបានខូចខាតស្លាប និងធ្លាយប្រេងអស់ជាច្រើន។ ចំណែកឯអ្នកដំណើរវិញ រងរបួសចំនួន ២៤នាក់ ត្រូវបញ្ជូនទៅសង្គ្រោះនៅមន្ទីរពេទ្យភ្លាម៕