ឈិនឡុង៖ ទ្រព្យសម្បត្តិខ្ញុំ ឲ្យកូនប្រុសទាំងអស់

2015-03-06 18:17:26
ចំនួនមតិ 0 | ចំនួនចែករំលែក 0

ចន្លោះមិនឃើញ

កំពូលតារាសម្ដែងហុងកុង Jackie Chan (ឈិនឡុង) ធ្លាប់និយាយថានឹងបរិច្ចាគទ្រព្យសម្បត្តិផ្ទាល់ខ្លួនទាំងអស់ក្រោយពេលស្លាប់ ប៉ុន្តែឥលូវ តារាក្បាច់គុនរូបនេះបានផ្លាស់ប្ដូរចិត្តវិញដោយនិយាយថាចង់ផ្ទេរទ្រព្យសម្បត្តិឲ្យកូនប្រុស Jaycee Chan ដែលទើបចេញពីពន្ធនាគារវិញ។

យោងតាមការចុះផ្សាយរបស់សារព័ត៌មាន Tencent Entertainment ឈិន ឡុងដែលធ្លាប់តែនិយាយថា Jaycee ជាកូនប្រុសខ្លួននឹងមិនទទួលទ្រព្យសម្បត្តិអ្វីឡើយ ហើយនឹងត្រូវរស់ដោយខ្លួនឯង ហាក់ដូចជាផ្លាស់ប្ដូរចិត្ត តាំងពីឃើញភាពផ្លាស់ប្ដូររបស់កូនប្រុសបន្ទាប់ពីចេញពីមន្ទីរឃុំឃាំងវិញ។

នៅពេលអ្នកសារព័ត៌មានសួរពីរឿងនេះ តារាវ័យ ៦០ឆ្នាំរូបនេះបាននិយាយថា "បើទ្រព្យសម្បត្តិខ្ញុំមិនប្រគល់ឲ្យកូនប្រុស តើគួរឲ្យអ្នកណាវិញ? គ្រប់យ៉ាងគឺជាកម្មសិទ្ធិរបស់គេ។ គេជាកូនប្រុសខ្ញុំ ហើយខ្ញុំជាឪពុកគេ។ រឿងនេះគឺមិនអាចផ្លាស់ប្ដូរបានឡើយ"។

អំឡុងពេលនេះដែរ Jackie Chan កំពុងជួយសម្រួលដល់កូនប្រុសសម្រាប់ការថតបង្ហើយអាល់ប៊ុមថ្មី ដែលបានផ្អាកមួយរយៈធំ ក្រោយពីរូបគេត្រូវចាប់ខ្លួនពីបទល្មើសពាក់ព័ន្ធគ្រឿងញៀន ៕

ចុចអាន៖ដឹងអត់ថា ឈិន ឡុង មានទ្រព្យសរុបប៉ុន្មាន?