នៅ Platinum Cineplex យប់មិញ ទស្សនិកជនក៏សរសើររឿង "៧ថ្ងៃ" ដែរ

2015-03-06 21:39:02
ចំនួនមតិ 0 | ចំនួនចែករំលែក 0

ចន្លោះមិនឃើញ

តាមរយៈឈុតឆាកភ័យរន្ធត់ និង លាយឡំដោយសំណើចតាំងពីដើមរហូតដល់ចប់នៃរឿង "៧ថ្ងៃ" បានធ្វើឱ្យអ្នកចូលទស្សនានៅ Platinum Cineplex កាលពីល្ងាចមិញនេះ បានពោលសរសើរភាគច្រើន។

យុវតី ប្រាក់ ចិន្តា និយាយថា ភាពយន្តនេះ មានភាពប្រទាក់ក្រឡាគ្នា នាំឲ្យនាងចង់តាមដានរហូតដល់ចប់ ដោយមិនធុញទ្រាន់។ និស្សិតឆ្នាំទី ២ រូបនេះ និយាយថា៖ " ខ្លាចពិតមែន តែចង់តាមដានដំណើររឿង ព្រោះកំប្លែងទៀតផង"។

“មើលដំបូង ខ្ញុំគិតថា ប្រហែលមើលមិនកើតទេ តែដល់ពេលមើលបន្តិចទៀតទៅ ដូចគ្រាន់បើអាចទទួលយកបាន"។ នេះជាការលើកឡើងរបស់ ដានី និស្សិតអក្សរសាស្ត្រខ្មែរ នៅសាកលវិទ្យាល័យភូមិន្ទភ្នំពេញ។

ជាមួយគ្នានោះ យុវជន ឆន ចាន់តារា និយាយដែរថា៖ " អឺ!...និយាយទៅ សាច់រឿងតាមមិនទាន់ទេ ខ្ញុំយល់ថា សាច់រឿងធ្វើអ្នកទស្សនាតាមមិនទាន់ទេ គេលាក់ទស្សនិកជនបានល្អ "។ និស្សិតច្បាប់ប្រាប់បន្ថែមថា គុណភាពប៉ុណ្ណឹងអាចទទួលយកបាន។

ស្រដៀងគ្នានេះ សុជាតា បានប្រាប់ស្រដៀងគ្នាថា" រឿងនេះមិនល្អណាស់ណាទេ តែក៏មិនអន់ដែរ បើប្រៀបធៀបរឿងខ្មោចផ្សេងទៀត ដែលខ្ញុំធ្លាប់មកមើលនៅទីនេះ"។ នាងបន្តថា នឹងប្រាប់ទៅមិត្តភ័ក្ដិផ្សេងទៀត ឱ្យមកមើលដែរ៕

អានអត្ថបទ៖ ស្រីពៅ ថ្មីសុទ្ធ

អានអត្ថបទ៖ មើលចុះ…តារាថ្មីៗភាគច្រើនចូលរួមថតMVចូលឆ្នាំរបស់ រស្មីស្ទឹងសែនម្សិលមិញ

អត្ថបទ៖ សំ ជំនាញ