ទិនហ្វី ត្រូវតារាស្រីរូបស្អាត សរសើរមិនដាច់ពីមាត់

2015-03-11 00:33:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ទោះបីមិនបានស្និទ្ធស្នាលនឹងគ្នាអស់ច្រើនឆ្នាំ ក្រោយថតរឿង "កូនឆ្កែភពផ្កាយ ឬ CJ7" តារាសម្ដែងស្រីរូបស្រស់ Kitty Zhang បានបង្ហាញក្ដីគោរព និងកោតសរសើរចំពោះ ទិនហ្វី មិនដាច់ពីមាត់។

Kitty Zhang និង ទិនហ្វី

តារាដែលទទួលបានការថតរឿងថ្មី មានចំណងជើងថា "The Mermaid" របស់ទិនហ្វីរូបនេះនិយាយថា " គាត់ (ទិនហ្វី) ជាមនុស្សតស៊ូ គាត់ដឹងពីអ្វីដែលគាត់ចង់ធ្វើ និងចូលចិត្តគំនិតច្នៃប្រឌិតច្រើន"។

តារាសម្ដែងវ័យ២៨ឆ្នាំបន្ថែមថា គ្មានអ្វីខុសគ្នារវាង ទិនហ្វី ដែលនាងបានធ្វើការជាមួយលើកដំបូង ក្នុងឆ្នាំ២០០៧ និងទិនហ្វីពេលនេះទេ។

“នេះ (ការថតរឿង The Mermaid ) ជាការសហការថ្មីរបស់ពួកយើង បន្ទាប់ពីបែកគ្នាអស់ច្រើនឆ្នាំមក តែស្ទីលការងាររបស់គាត់ គ្មានអីខុសប្លែកសោះ"។ តារាកើតនៅខេត្តសានទុងបញ្ជាក់។

ពេលសួរពីចំណាប់អារម្មណ៍លើផលិតកររូបនេះ តួឯកស្រីរឿង "Jump" បង្ហើបថា "គាត់ជាបុរសមានចំណេះដឹង មានគំនិតផ្ទាល់ខ្លួន ហើយប្រកាន់ខ្ជាប់នឹងគំនិតទាំងនោះ ប៉ុន្តែពេលខ្លះគាត់ដូចកូនក្មេងបន្តិចដែរ"។

ត្រង់ចំណុចនេះ នាងបញ្ជាក់ថា ដំណើរជីវិតរបស់ទិនហ្វី មានក្ដីសុបិននិងការចងចាំ នៃកុមារភាពច្រើន ដូច្នេះខ្សែភាពយន្ត តែងបង្ហាញពីសាច់រឿងនិងរូបភាព ក្នុងសុបិនរបស់លោក។ សុបិនរបស់លោកមិនដែលផ្លាស់ប្ដូរឡើយ។

Kitty Zhang បានសម្ដែងក្នុងរឿង "CR7" ជាមួយទិនហ្វី ក្នុងឆ្នាំ២០០៧ ហើយកន្លងមកនេះ នាងត្រូវតារាពូកែកំប្លែងទិនហ្វីជ្រើសរើសឱ្យសម្ដែងរឿង "The Mermaid" ជាថ្មី៕

រឿងពាក់ព័ន្ធរវាងត្រចៀកកាំ និងទិនហ្វី ដែលអ្នកមិនធ្លាប់ដឹង

ទិន ហ្វី មានរឿងអាស្រូវទៀតហើយ!

ប្រែសម្រួល៖ អ៊ុំ សុភក្តិ ប្រភព៖ Yahoo