រឿងពាក់ព័ន្ធរវាងត្រចៀកកាំ និងទិនហ្វី ដែលអ្នកមិនធ្លាប់ដឹង

2015-03-03 16:50:45
ចំនួនមតិ 0 | ចំនួនចែករំលែក 0

ចន្លោះមិនឃើញ

Zhao Wei ជាតារាសម្ដែង និងចម្រៀងចិនល្បីឈ្មោះមួយរូប ដែលត្រូវគេស្គាល់ច្រើន ពេលនាងសម្ដែងតួអង្គ ក្រចៀកកាំ ក្នុងរឿង "ព្រះនាងយ៉េយ៉េ" ឬ "My Fair Princess” ។ ចំណែកទិនហ្វី រឹតតែមិនបាច់និយាយ ព្រោះអីទស្សនិកជនភាគច្រើនស្គាល់ និងចូលចិត្តតារារូបនេះស្ទើរគ្រប់គ្នា តាមរយៈការសម្ដែងរឿងបែបកំប្លុកកំប្លែង សើចចុកពោះតាំងពីដើមដល់ចប់។ ទោះបីជាយ៉ាងណា ប្រិយមិត្តខ្លះប្រហែលមិនទាន់ដឹងរឿងមួយចំនួន របស់តារាជួរមុខទាំងពីរនេះទេ ដូច្នេះសូមតាមដានដូចខាងក្រោម៖

តារាសម្ដែង ចម្រៀង អ្នកដឹកនាំរឿង Zhao Wei

ត្រចៀកកាំ និងស្ដេចកំប្លែងទិនហ្វី បានសហការគ្នានៅឆ្នាំ២០០១ ដែលកាលនោះពួកគេសម្ដែងរឿង "ស្ដេចបាល់ទាត់ទិនហ្វី ឬ Shaolin Soccer”។ ពេលសម្ដែងភាពយន្តនេះ អ្នកទាំងពីរត្រូវបានគេរាយការណ៍ថា មានការអន់ចិត្តនឹងគ្នាបន្តិចបន្តួច ដោយមានម្ដងនោះ ទិនហ្វី បានស្ដីបន្ទោស ត្រចៀកកាំ រហូតទាល់តែនាងយំ។

រឿងមួយទៀតដែលអ្នកនឹកស្មានមិនដល់នោះ គឺថាជាង១០ឆ្នាំក្រោយមក តួបុត្រីស្ដេចឈៀនឡុងរូបនេះ បានបង្ហាញភាពយន្តជាស្នាដៃដឹកនាំដោយរូបនាងផ្ទាល់មានចំណងជើងថា " So Young” ដែលរឿងនេះរកចំណូលបានច្រើនជាងរឿងឆ្នាំ២០១៣ “Journey to the West: Conquering the Demons” របស់ទិនហ្វីទៅទៀត ក្នុងតារាង Box Office ចិន។ ចំពោះជោគជ័យនេះ ត្រចៀកកាំបាននិយាយថា "ទីបំផុតខ្ញុំយកឈ្នះ Stephen Chow បានហើយ!”។ យ៉ាងណាមិញ ថ្ងៃទី២ ខែកុម្ភៈ ឆ្នាំ២០១៥ម្សិលមិញ គេហទំព័រ Jaynestars ចុះផ្សាយថា តារាស្រីវ័យ ៣៨ឆ្នាំ Zhao Wei នឹងត្រឡប់មកសហការជាមួយទិនហ្វីវិញ គឺសម្ដែងក្នុងរឿង "Journey to the West 2”។

ប៉ុន្តែភាពយន្តនេះ តួឯកក្នុងរឿង "ចុងភៅទេវតា" មិនចេញមុខដឹកនាំទេ ដោយប្រគល់ដំណែងនេះ ទៅឱ្យអ្នកដឹកនាំរឿងសញ្ជាតិវៀតណាម Tsui Hark ចំណែកលោកគ្រាន់តែនៅក្រៅឆាក ដើម្បីជួយផលិតតែប៉ុណ្ណោះ។ តួចាស់ៗ Shu Qi និង Wen Zhang នឹងត្រឡប់មកសម្ដែងវិញ ហើយទិនហ្វីនឹងសរសេរ Script ថ្មីសម្រាប់ត្រចៀកកាំ៕