៥យ៉ាងអោយបុរសអាណិតទៅណាមិនរួច

2015-03-11 16:58:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ចំណងស្នេហ៍ក្រោយអាពាហ៍ពិពាហ៍ជាចំណុចចាប់ផ្ដើមពិតប្រាកដនៃជីវិតរវាងបុរស និងស្ត្រី។ ការរក្សាបានចំណងស្នេហ៍ផ្អែមល្ហែមឱ្យឋិតថេរគង់វង្សយូរអង្វែង ចាត់ទុកថាជាជោគជ័យបំផុតក្នុងឆាកជីវិត។ ត្រង់នេះ ទាំងបុរស ទាំងស្ត្រីសុទ្ធតែដើរតួយ៉ាងសំខាន់ដូចគ្នា។

ដោយឡែក ទំព័រនេះ Sabay នឹងលើកឡើងពីតិចនិក ៥ យ៉ាងសម្រាប់ស្ត្រីដែលធ្វើឱ្យបុរសអាណិតស្រលាញ់ទៅណាមិនរួច៖

១. ថែទាំយកចិត្តទុកដាក់នឹងប្តី ចំណីចំណុកធ្វើផ្ទាល់ដៃ

ទោះបីហាងមានច្រើន ធ្វើម្ហូបឆ្ងាញ់ ទោះបីមានអ្នកបម្រើឆ្វេងស្ដាំ តែកុលស្ត្រីជាច្រើនតែងប្រលូកការងារចង្ក្រានដោយខ្លួនឯងដែលប្រការនេះ ទោះបីហូបចុកនៅទីណាស្វាមីតែងតែរំពៃនឹកដល់ភរិយា។

២. រាក់ទាក់ស្និទ្ធស្នាល និងចិត្តបាននឹងញាតិខាងប្តី

គ្មានបុរសណាដែលមិនយល់ថាខ្លួនមានសំណាងដែលមានភរិយាចុះសម្រុងនឹងគ្រួសារខ្លួន ស្រលាញ់គោរពឪពុកម្ដាយខ្លួននោះឡើយ។ គេតែងតែអួតអាងរឿងនេះជាមួយមិត្តភ័ក្ដិគេ ហើយគេខ្លាចក្នុងការបាត់បង់អ្នក។

៣. បង្កើតបរិយាកាស មនោសញ្ចេតនា

បើគិតថា ការបង្កើតភាពភ្ញាក់ផ្អើលរ៉ូមែនទិកជាការងារបុរស អ្នកប្រហែលគិតខុសធ្ងន់។ បុរសភាគច្រើនជាអ្នកសុំស្រលាញ់ស្រីមុនក៏ពិតមែន តែមិនមែនមានន័យថាពួកគេសុទ្ធតែដឹងពីវិធីរក្សាមនោសញ្ចេតនានោះទេ។ ការហៅត្រលប់មកវិញនូវអារម្មណ៍មនោសញ្ចេតនាបន្ទាប់ពីការរៀបអាពាហ៍ពិពាហ៍ និងជីវិតការងារមមាញឹកស្មុគស្មាញ ស្ត្រីគឺពូកែជាងបុរស។ ធ្វើឱ្យប្រាកដថា យើងទុកពេលវេលាសម្រាប់សកម្មភាពរ៉ូមែនទិក ដូចជា អាហារពេលល្ងាច ជជែកពាក្យល្អៗ ជួយបំបាត់ស្ត្រេស ឬបបួលគ្នាដើរ២នាក់នៅពេលថ្ងៃលិច ឬមើលខ្សែភាពយន្តតែពីរនាក់។

៤. ផ្ញើសារស្នេហា

ពេលខ្លះគ្មានអ្វីប្រសើរជាងការស្រលាញ់ទៀតនោះទេ។ ពេលវេលាតឹងតែងនឿយហត់របស់មនុស្សត្រូវការការរំដោះដោយភាពទន់ភ្លន់។ ខលទូរសព្ទទៅគេ ហើយគ្រាន់តែនិយាយថា "អូនស្រលាញ់បង" ឬផ្ញើសាររូបភាពល្អៗ។