អត្ថន័យនៃឈ្មោះកូនស្រី Cute របស់ សារ៉ាយ សក្ខណា ពិតមិនធម្មតា!

2015-03-12 17:29:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ទីបំផុត សារ៉ាយ សក្ខណា យល់ព្រមឆ្លើយប្រាប់ Sabay ពីសហរដ្ឋអាមេរិកមកជុំវិញអត្ថន័យនៃឈ្មោះរបស់កូនស្រីរបស់ខ្លួន Mataysia Keo។

តាមរយៈសារអេឡិចត្រូនិច សារ៉ាយ សក្ខណា អតីតតារាសម្ដែងស្រីល្បីឈ្មោះប្រាប់ថា ឈ្មោះរបស់កូនស្រីនាង Mataysia ប្រែមកថា "កាដូទេវតាប្រទាន"។ ឈ្មោះនេះ គឺស្វាមីរបស់នាង កែវ ប៊ុនមេត្រី ជាអ្នកស្វែងរកតាមរយៈវចនានុក្រម និងដាក់ឈ្មោះឲ្យកូនស្រីដោយផ្ទាល់។ ក្រោយពីរកយ៉ាងផ្ចិតផ្ចង់ ទីបំផុតក៏រកបានឈ្មោះ Mataysia Keo នេះ។

"តាមពិតទៅ ឈ្មោះពីរោះៗមានច្រើន ប៉ុន្តែសុទ្ធតែមានគេដាក់ច្រើនហើយ តែ Mataysia នេះថ្មី គេអត់មាន អីចឹងហើយបានពួកខ្ញុំដាក់ឲ្យប្លែកគេអីចឹងទៅ ផ្សំនឹងអត្ថន័យល្អផង"។ អតីតតារាស្រីរូបនេះ បន្ថែម។

យ៉ាងណាក៏ដោយ តាមការបញ្ជាក់របស់ អតីតម្ចាស់ពានអាណាចក្រតារាឆ្នាំទី១រូបនេះ ដំបូងឡើយឈ្មោះដែលរកបាន គឺ Mataya តែស្វាមីនាងបានប្ដូរវិញមកជា Mataysia វិញតាមការយល់សប្ដិដែលមានន័យថា "កាដូទេវតាប្រទាន" នេះ។

រូបភាព៖ ផ្ដល់ដោយ សក្ខណា

សារ៉ាយ សក្ខណា ទើបតែសម្រាលបានកូនស្រីដ៏ស្អាតម្នាក់កាលពីវេលាម៉ោង៥:៣០នាទី ល្ងាច ថ្ងៃព្រហស្បតិ៍ ទី៥ ខែមីនាកន្លងទៅនេះនៅសហរដ្ឋអាមេរិក ជាទីដែលនាង និងស្វាមីកំពុងជ្រកកោន។ ក្រោយប្រសូត សក្ខណា ប្រាប់ថា មិត្តភ័ក្ដិ និងប្រិយមិត្តមួយចំនួនធំប្រាប់ថា កូនស្រី Mataysia Keo របស់នាង មានមុខមាត់កាត់មករកនាងច្រើន។

“ភាគច្រើនគេថាអីចឹងមែនបង គឺមុខដូចខ្ញុំ ហើយតាមខ្ញុំមើលទៅដូចខ្លាំងមែនទែន គឺច្រមុះ...ច្រមុះធំដូចខ្ញុំ"។ សក្ខណា ថ្លែង។

អត្ថបទ៖ ដឹងអត់ថា កូនស្រីដ៏ស្រស់ស្អាតរបស់សារ៉ាយ សក្ខណាឈ្មោះអ្វី?

អត្ថបទ៖ សេដ្ឋីផ្នែកសារគមនាគមន៍ គិត ម៉េង ព្រមានលើអ្នកបង្កើតគណនី Facebook ក្លែងក្លាយ

ចុះប្រិយមិត្តវិញ ថា Mataysia Keo មុខដូចអ្នកណា?

អត្ថបទ៖ ទារិកា