សេដ្ឋីផ្នែកសារគមនាគមន៍ គិត ម៉េង ព្រមានលើអ្នកបង្កើតគណនី Facebook ក្លែងក្លាយ

2015-03-12 00:28:36
ចំនួនមតិ 0 | ចំនួនចែករំលែក 0

ចន្លោះមិនឃើញ

សេដ្ឋីផ្នែកសារគមនាគមន៍ គិត ម៉េង បានព្រមានចំពោះអ្នកបង្កើតគណនី Facebook និង Page ក្លែងក្លាយ ដែលបានយកឈ្មោះរបស់ អ្នកឧកញ៉ា និង ស្រីតូច ចំណាន មកប្រើជាប្រយោជន៍ផ្ទាល់ខ្លួន។ នេះបើតាមការប្រាប់ឲ្យដឹងពី លោក ហ៊ុយ វណ្ណៈ អគ្គនាយករងស្ថានីយទូរទស្សន៍ CNC ប្រាប់ Sabay នៅរសៀលថ្ងៃនេះ។ ការបង្កើតគណនី Facebook និង Page ក្លែងក្លាយ ដោយយកឈ្មោះរបស់ អ្នកឧកញ៉ា គិត ម៉េង និង ស្រីតូច ចំណាន ដែលជាអនាគតភរិយាពេញច្បាប់ ជាហូរហែមួយរយៈចុងក្រោយនេះ គឺកើតមានឡើងបន្ទាប់ពី គម្រោងអាពាហ៍ពិពាហ៍អ្នកឧកញ៉ា ត្រូវបានទម្លាយចេញដោយសាមីខ្លួនកូនក្រមុំ អតីតតារាចម្រៀង និង ជាពិធីការិនី ស្រីតូច ចំណាន កាលពីសប្ដាហ៍មុន។ លោក ហ៊ុយ វណ្ណៈ និយាយ។ លោក ហ៊ុយ វណ្ណៈ បាននិយាយទៀតថា អ្នកឧកញ៉ា គិត ម៉េង ធ្លាប់បានប្រទះឃើញ គណនី Facebook ក្លែងក្លាយជាច្រើន ប៉ុន្តែ អ្នកឧកញ៉ាធ្លាប់ប្រាប់ថា ពួកគេនឹងទទួលខុសត្រូវដោយខ្លួនឯង ចំពោះមុខច្បាប់ រាល់ការបង្កើតគណនីក្លែងក្លាយ ហើយប្រើប្រាស់ណាមួយមិនត្រឹមត្រូវ។ “ខ្ញុំគ្រាន់តែចង់បញ្ជាក់ថា អ្នកឧកញ៉ាគ្មានពេលវេលាឯណានឹងទៅលេង Facebook នោះទេ មួយថ្ងៃៗ គាត់រវល់ណាស់ ហើយគាត់គ្មានទេ Facebook ដូច្នេះ រាល់គណនី ដែលប្រើប្រាស់ឈ្មោះរបស់គាត់គឺក្លែងក្លាយ។ ឯ Page កូនក្រមុំអ្នកឧកញ៉ាគិតម៉េង គឺអត់មានដែរ តែមានតែគណនីមួយគត់គឺ MC Chamnan (https://www.facebook.com/mc.chamnan?fref=ts)”។ លោក ហ៊ុយ វណ្ណ ប្រាប់ឲ្យដឹង៕