មង្គលការសេដ្ឋីខ្មែរ គិត ម៉េង អ្នកកំដរសុទ្ធតែឧកញ៉ា-ជំទាវ-ឈុតកូនក្រមុំ១៤ម៉ូដ ថ្មីទាំងអស់

2015-03-11 12:01:55
ចំនួនមតិ 0 | ចំនួនចែករំលែក 0

ចន្លោះមិនឃើញ

-អ្នកច្រៀងកាត់សក់មិនមែនអ្នកកំប្លែងទូរទស្សន៍ -សិល្បករជាមិត្តមិនត្រូវបានអញ្ជើញ -នាយកដ្ឋានអង្គរក្ស និង ប៉ូលិសក្រុងដាក់កម្លាំងការពារ - ឈុតទំាង ១៤ របស់កូនក្រមុំកាត់ថ្មីទំាងអស់ដោយជាងមកពីក្រៅប្រទេស -អ្នកកំដរសុទ្ធតែជាឧកញ៉ា និង ជំទាវ -ពិធីលៀងសាយភោជន៍ទទួលភ្ញៀវជាង ៣ ពាន់ នាក់ -សិរីមង្គលទទួលបន្ទុកពិធីការ -សរុបគម្រោងថវិកាជាងមួយលានដុល្លារអាមេរិក។

គម្រោងអាពាហ៍ពិពាហ៍អ្នកឧកញ៉ា គិត ម៉េង បានត្រូវទម្លាយចេញដោយសាមីខ្លួនកូនក្រមុំអតីតតារាចម្រៀង និង ជាពិធីការិនី ស្រីតូច ចំណាន កាលពីសប្តាហ៍មុនដែលកំពុងក្លាយជាប្រធានបទខ្សឹបខ្សៀវក្នុងចំណោមអ្នកសិល្បៈ ដោយសារថា គ្មានមិត្តរួមអាជីពណាត្រូវបានទទួលការអញ្ជើញចូលរួមនោះឡើយ។

សិល្បករជាមិត្តមិនត្រូវបានអញ្ជើញ

អ្នកសិល្បៈបីបួនរូបដែល Sabay ធ្វើការសាកសួរ បាននិយាយប្រាប់ថា ពួកគេរំភើបអបអរនិងដំណឹងនេះ ប៉ុន្តែអះអាងថា មិនបានទទួលការអញ្ជើញទេ។

នាយកដ្ឋានអង្គរក្ស និង ប៉ូលិសក្រុងដាក់កម្លាំងការពារ

ប៉ូលិសក្រុង និង កងអង្គរក្សចាត់វិធានការណ៍ការពារដោយសារប្រមុខរដ្ឋាភិបាល អ្នកនយោបាយ អ្នកមុខអ្នកការផ្នែកធុរកិច្ចត្រូវបានអញ្ចើញចូលរួមតាំងពីព្រឹកព្រហាមថ្ងៃទី ២០ ខែ មិនា កម្លាំងសន្តិសុខសម្រាប់រក្សាសណ្ដាប់ធ្នាប់ត្រូវបានគេឃើញឡើងចុះជួបប្រជុំគ្នានៅគេហដ្ឋានអ្នកឧកញ៉ា គិតម៉េង សង្កាត់ទួលទំពូង។ ប្រភពសុំមិនបញ្ចេញឈ្មោះអះអាងថា ផ្លូវច្រើនខ្សែនៅតំបន់នោះនឹងត្រូវផ្អាកចរាចរណ៍តំាំងពីល្ងាចថ្ងៃទី ១៩។

សិរីមង្គលទទួលបន្ទុកពិធីការ

ក្រុមហ៊ុនពិធីការ សិរីមង្គល នឹងទទួលបន្ទុករៀបចំមួយចំណែកលើផ្នែកបដិសណ្ឋារកិច្ចបែបប្រពៃណី រីឯ ពេលយប់មានការចូលរួមរៀបចំពីក្រុមហ៊ុនពិធីការជួលមកពីប្រទេសថៃ។

សូម្បីតែការផាត់មុខកូនក្រមុំត្រូវបានអញ្ជើញមកពីប្រទេសថៃដោយកាលពីថ្ងៃសុក្រកន្លងទៅកូនក្រមុំត្រូវបានគេឃើញទៅដល់ក្រុងបាងកកតាមជើងយន្តហោះ PG932 បាងកក អែរវេស៍ ដើម្បីទៅសាកការតុបតែងមុខ។ ប្រភពអះអាងថា ហាងសុជាតិ គឺអ្នកស្រីគង់ កុល្លីនដែលជាជាងធ្វើសក់ប្រចាំរបស់កូនក្រមុំនឹងចូលរួមតុបតែងសក់ក្នុងថ្ងៃពិសេសសម្រាប់នាងផងដែរ។

សំលៀកបំពាក់ទំាង ១៤ ឈុតសម្រាប់ពិធីទំាងព្រឹក និង ល្ងាចកុម្ម៉ង់កាត់ពីហាងល្បីមួយនៅបាងកក លើកលែងតែឈុតកាត់នំ ដែលកុម្ម៉ង់ពីសិង្ហបុរី។

ព័ត៌មានដែលផ្សាយមិនពិតកន្លងមក

១/ប្រភពអះអាងថា តម្លៃឈុតកាត់នំ និង ឈុតអាពាហ៍ពិពាហ៍ទំាងអស់ ក៏មិនទាន់ស្មើរនឹង ៥ ម៉ឺនដុល្លារនៅឡើយ ចំណែកការផ្សាយថា តម្លៃរ៉ូបកាត់នំដល់ទៅ ១០ ម៉ឺនដុល្លារគឺជាការបំប៉ោងតួលេខទាញការចាប់អារម្មណ៍និងវិភាគ។

២/ចចាមអារ៉ាមថា អ្នកកំប្លែង CTN ដែលនឹងចូលរួមច្រៀងកាត់សក់ត្រូវបានបដិសេធ។ ប្រភពអះអាងថា អ្នកមុខអ្នកការចូលរួមកាត់សក់ច្រើន ចំណែកអ្នកច្រៀងបុរាណនិងកាត់សក់ ជាអ្នកអាជីពមកពីសាកលវិទ្យាល័យភូមិន្ទវិចិត្រសិល្បៈ។

៣/គ្មានសិល្បការិនីចូលរួមកំដរកូនក្រមុំដូចការលើកឡើងនោះឡើយ។ អ្នកកំដរទាំងសងខាងសុទ្ធតែជាឧកញ៉ា និង ជំទាវដែលរៀបការរួចទៅហើយ៕