បោះឆ្នោតទាំងអស់គ្នា ដើម្បីស្ត្រីគ្រូបង្រៀនជនពិការខ្មែរ ឈ្នះពានរង្វាន់ពិភពលោក
- 2015-03-12 21:34:03
- ចំនួនមតិ 0 | ចំនួនចែករំលែក 0
បោះឆ្នោតទាំងអស់គ្នា ដើម្បីស្ត្រីគ្រូបង្រៀនជនពិការខ្មែរ ឈ្នះពានរង្វាន់ពិភពលោក
ចន្លោះមិនឃើញ
ស្ត្រីនាយិកាសាលាបង្រៀនកុមារពិការភ្នែក និងគថ្លង់ខ្មែរ នាង ផល្លា កំពុងស្ថិតក្នុងចំណោមបេក្ខជនគ្រូបង្រៀនមកពីប្រទេសនានា៩នាក់ទៀត ប្រជែងគ្នាយកពានរង្វាន់ប្រជាប្រិយ ក្នុងកម្មវិធីពានរង្វាន់គ្រូបង្រៀនឆ្នើមពិភពលោក Global Teacher Prize ដែលរៀបចំនៅទីក្រុងឌូបៃ អារ៉ាប់រួម មានប្រាក់រង្វាន់ដល់ទៅ១លានដុល្លារ។
ពាន Global Teacher Prize ដែលមានប្រាក់រង្វាន់ច្រើន នឹងប្រកាសលទ្ធផលនៅអាទិត្យទី១៥មីនា ចុងសប្ដាហ៍នេះ។ រីឯពានប្រជាប្រិយ គឺធ្វើឡើងលើទំព័រហ្វេសប៊ុកកម្មវិធី Global Teacher Prize ពោលបេក្ខជនណាដែលទទួលចំនួន Like ច្រើនជាងគេ នឹងក្លាយជាជយលាភី។ ការចូល Like ដោយប្រើប្រាស់ អ៊ីម៉ែល ដើម្បីបញ្ជាក់ អនុញ្ញាតឲ្យធ្វើឡើងមួយថ្ងៃ២ដង គឺ១១ម៉ោងម្ដង រហូតដល់ថ្ងៃអង្គារទី១៧សប្ដាហ៍ក្រោយ។
លោកអ្នកអាចចូលទៅបោះឆ្នោតឲ្យអ្នកគ្រូ នាង ផល្លា បានដោយចុចលើតំណភ្ជាប់នេះ https://www.facebook.com/teacherprize?sk=app_515720611858523&app_data=entry_id%3D19614638
អ្នកគ្រូ នាង ផល្លា ដែលចាប់បង្រៀនកុមារភ្នែក និង កុមារគថ្លង់ខ្មែរ តាំងពីឆ្នាំ១៩៩៣មក បានឆ្លងផុតការជម្រុះចំណោមគ្រូបង្រៀនរាប់ពាន់នាក់មកពីប្រទេសនានា រហូតជាប់ ជាបេក្ខជន៥០នាក់ចុងក្រោយ និងបន្តជាប់បញ្ជី ១០នាក់ចុងក្រោយ ប្រជែងយកពាន Global Teacher Prize ដែលនឹងប្រកាសលទ្ធផលក្រោមការវាយតម្លៃពីគណៈកម្មការកម្មវិធី នៅទីក្រុង ឌូបៃ ថ្ងៃអាទិត្យសប្ដាហ៍នេះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
