ជីវិតពិតច្រើនយ៉ាង ដែលអ្នកមិនដឹងពី "កែងឆេះជង្គង់ហោះ"

2015-03-19 20:49:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ចាភ្នំ យីរ៉ាំ ឬប្រិយមិត្តស្គាល់ថា "កែងឆេះជង្គង់ហោះ" កំពុងមានឈ្មោះបោះសំឡេងខ្លាំង រហូតក្លាយជាតារាហូលីវូដសម្ដែង ជាមួយកំពូលតារាល្បីៗលើឆាកអន្តជាតិ។ ក្រៅពីភាពជោគជ័យគួរឱ្យកត់សម្គាល់នេះ តើអ្នកដឹងអ្វីទៀតពីតារាវ័យ៣៩ឆ្នាំរូបនេះ? រឿងរ៉ាវមួយចំនួននេះ មានខ្លះអ្នកអាចនឹងមិនទាន់ដឹង បើអីចឹង... តោះ! សូមអានចំណុចនីមួយៗដូចខាងក្រោម៖

Tony Jaa កើតនៅខេត្តសុរិន្ទ តំបន់ Isaan ប្រទេសថៃ ដែលផ្ទះរបស់លោកមានចម្ងាយ ៤០០គ.ម ពីទីក្រុងបាងកក។

Tony Jaa រៀនក្បាច់គុនដោយសាររឿងរបស់ Bruce Lee, Jackie Chan, Vince Lam និង Jet Li ជំរុញចិត្តគេ។ ពេលមើលរឿងរបស់តារាជើងចាស់ទាំងនេះ លោកតែងចង់រៀន ហើយតែងធ្វើត្រាប់តាមពេលលេងជាមួយមិត្តភ័ក្ដិ និងអនុវត្តលើវាលស្រែ។

- មានគេនិយាយតគ្នាថា Tony Jaa ធ្លាប់គំរាមឪពុកសម្លាប់ខ្លួនឯង បើសិនមិនបានរៀនក្បាច់គុនពី លោក Panna Rittikrai ពេលគេមានអាយុ១០ឆ្នាំ ។

Tony Jaa ចាប់ផ្ដើមហាត់ Muay Thai (ប្រដាល់) នៅអាយុ៨ឆ្នាំ ហើយដល់អាយុ១០ឆ្នាំ លោកបានសុំគេធ្វើជា Stuntman (អ្នកសម្ដែងឈុតលំបាក)។ អ្នកដឹកនាំរឿង Panna Rittikrai បានណែនាំលោកឱ្យចូលរៀននៅសាកលវិទ្យាល័យក្បាច់គុន Maha Sarakham ក្នុងខេត្ត Maha Sarakham។ ពេលនោះ Jaa បានរៀនតៃក្វាន់ដូ និងទទួលបានខ្សែក្រាវាត់ខ្មៅមួយដាន់ទៀតផង បើទោះមិនមានបញ្ជាក់ច្បាស់ ពីពេលវេលាហ្វឹកហាត់របស់លោកក៏ដោយ។

Tony Jaa មានជំនាញខ្ពស់ក្នុងកីឡា Muay Thai និង បានប្រកួតច្រើនលើកក្នុងកម្មវិធី Muay Thai Training Camp ដោយមិនដែលស្គាល់ ពាក្យបរាជ័យឡើយ។ លោកជាអ្នកចេះក្បាច់គុនជំនាញម្នាក់ ក្នុងកីឡា Muay Boran, Muay Thai, Aikido, Judo, Wushu និង Taekwondo។

Tony Jaa ឈ្នះមេដាយមាសជាច្រើនគ្រឿង ពីការប្រកួតកីឡារត់ប្រណាំង (Track running) កាប់ដាវ (fencing) និង Gymnastics។

Tony Jaa ក៏បានហាត់ក្បាច់គុនកុងហ្វូផ្សេងៗដូចជា krabi krabong, lethwei និង kino mutai ដែលលោកប្រើក្នុងខ្សែភាពយន្ត Ong Bak និង Tum Yum Goong។

Tony Jaa លោតកម្ពស់បាន២ម៉ែត្រ ជាអ្នកលោតបានខ្ពស់ជាងគេបំផុត នៅសាកលវិទ្យាល័យ។

Tony Jaa ត្រូវ ឈិន ឡុង ចាប់អារម្មណ៍ ហើយកំពូលគុនរូបនេះ បានសុំអ្នកដឹកនាំរឿង Brett Ratner ឱ្យ Tony ដើរតួក្នុងរឿង " Rush Hour 3” ព្រោះលោកយល់ថា រូបគេស័ក្ដិសមជាតួអង្គវាយទាត់ធាក់។ ទោះជាយ៉ាងណា អ្នកខេត្តសុរិន្ទរូបនេះ មិនអាចចូលរួមបានទេ ព្រោះលោកជាប់ថតរឿង" Ong Bak 2”។

Tony Jaa មិនបានប្រើថ្នាំពេទ្យ ឬ Computer-generated effects ជំនួយទេ ពេលសម្ដែងរឿង" Ong-Bak: Muay Thai Warrior “ ឆ្នាំ២០០៣ គឺប្រើបច្ចេកទេសខ្លួនសុទ្ធសាធ។ ពេលនោះលោករបួសសរសៃសន្លាក់ និងគ្រេចកជើង ហើយក្នុងឈុតវាយគ្នាក្នុងភ្លើងមួយ លោករលាកច្រមុះ ឆេះរោមភ្នែក និងរោមចិញ្ចើមអស់។

Tony Jaa បានបួសជាសង្ឃនៅថ្ងៃទី២៨ ខែមករា ឆ្នាំ២០១០ ក្នុងខេត្តសុរិន្ទ។

Tony Jaa ជួបទុក្ខធំ ព្រោះតែលោកឪពុកបង្កើតរបស់លោក បានទទួលមរណភាព កាលពីអំឡុងខែសីហា ឆ្នាំ២០១៤។

Tony Jaa បានចុះសំបុត្រអាពាហ៍ពិពាហ៍ ជាមួយមិត្តស្រីយូរឆ្នាំ Piyarat Chotiwattananont កាលពីថ្ងៃទី២៩ ខែធ្នូ ឆ្នាំ២០១១ និងបានរៀបការនៅថ្ងៃទី៣ ខែឧសភា ឆ្នាំ២០១២ ដោយទទួលបានចំណងដៃកូនស្រីម្នាក់។

Tony Jaa បានចាប់ដៃជាមួយតារាហូលីវូដ Dolph Lundgren ក្នុងខ្សែភាពយន្តបែបវាយប្រហារ" A Man Will Rise” និង “Skin Trade" ។ ក្នុងខែសីហា ឆ្នាំ២០១៣ បានចុះកុងត្រាសម្ដែងតួថ្មីក្នុងរឿង "Furious 7” ហើយតារាក្បាច់គុនរូបនេះ នឹងចាប់ដៃជាមួយ Wu Jing សម្ដែងក្នុងរឿងហុងកុង" SPL II “៕

ប្រពន្ធតារាកែងឆេះ Tony Jaa បង្អួតអាំងប៉ាវរាប់ពាន់ដុល្លារបានពីប្ដីថ្ងៃចូលឆ្នាំចិន

តារាកែងឆេះជង្គង់ហោះ Tony Jaa ត្រៀម៤រឿងយ៉ាងពិសេសសម្រាប់ឆ្នាំ២០១៥

ប្រែសម្រួល៖ អ៊ុំ សុភក្តិ ប្រភព៖ បរទេស