Malik របស់ក្រុម One Direction ប្រាប់មូលហេតុមិនសម្ដែងនៅអាស៊ី

2015-03-20 18:44:53
ចំនួនមតិ 0 | ចំនួនចែករំលែក 0

ចន្លោះមិនឃើញ

សមាជិកក្រុមចម្រៀងអង់គ្លេស One Direction Zayn Malik បានអវត្តមានពីការប្រគំតន្ត្រីទេសចរណ៍ "On the Road Again” របស់ក្រុមនៅអាស៊ី ដោយសារតែមួយរយៈនេះស្រ្តេសខ្លាំងពេក។ នេះបើតាមសម្ដីរបស់អ្នកនាំពាក្យក្រុម និយាយកាលពីថ្ងៃព្រហស្បតិ៍។

អ្នកនាំពាក្យក្រុម One Direction បានប្រាប់សារព័ត៌មាន REUTERS ថា "Zayn បានឈប់សម្រាកពីការសម្ដែងដោយសារមានជំងឺស្ត្រេស និងបានជិះយន្តហោះទៅប្រទេសអង់គ្លេសវិញហើយដើម្បីសម្រាក។ ក្រុមចម្រៀងទាំងមូលជូនពរឲ្យគេឆាប់ធូរស្បើយឡើងវិញ ហើយនឹងបន្តការសម្ដែងនៅទីក្រុងម៉ានីល (ហ្វីលីពីន) និងទីក្រុងហ្សាកាតា (ឥណ្ឌូណេស៊ី) បន្តទៀតដោយគ្មានគេ”។

ថ្មីៗនេះដែរ គេឃើញ តារាវ័យ២២ឆ្នាំ Malik ដែលបានភ្ជាប់ពាក្យជាមួយសង្សារ Perrie Edwards ជាសមាជិកក្រុម Little Mix បង្ហោះរូបភាពស្និទ្ធស្នាលជាមួយនារីថ្មីម្នាក់ ដែលគេស្គាល់ឈ្មោះថា Lauren Rich ពេលជប់លៀងជាមួយគ្នានៅប្រទេសថៃ។ រូបភាពនេះបានធ្វើឲ្យអ្នកគាំទ្រជាច្រើនចោទប្រកាន់ Malik ថាបានក្បត់ចិត្តគូដណ្ដឹងរបស់គេ។

Malik បានឆ្លើយតបពាក្យចចាមអារ៉ាមមួយនេះដោយកំហឹង តាមរយៈ Twitter ថា "ខ្ញុំអាយុ ២២ឆ្នាំហើយ … ខ្ញុំស្រឡាញ់ស្រីម្នាក់ឈ្មោះ Perrie Edwards។ ប៉ុន្តែលើលោកនេះមានមនុស្សចង្រៃដើរច្រណែនគេច្រើនពេកហើយ ... សុំទោសបើខ្ញុំនិយាយឈ្លើយ" ៕