Fan រំជួលចិត្តពេលដឹងថា Minah ដើរច្រៀងតាមផ្លូវមុនចូល Girl’s Day

2015-03-20 22:56:27
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយចេញបទចម្រៀងទោល "I Am A Woman Too" ដំបូងក្នុងពេលថ្មីៗនេះ តារាចម្រៀងស្រី Minah បានប្រកាសថា នាងនឹងត្រឡប់ទៅច្រៀងតាមផ្លូវ ដូចដែលនាងធ្លាប់ច្រៀងកាលពីមុនវិញ ដើម្បីរំលឹករឿងអតីតកាល។ ការប្រកាសនេះ ធ្វើឱ្យអ្នកគាំទ្រ និងទស្សនិកជនរំជួលចិត្ត កោតសរសើរពីភាពជោគជ័យរបស់នាង។

មុនពេលចូលក្នុងក្រុម Girl’s Day អំឡុងឆ្នាំ២០១០ Minah បានដើរច្រៀងនៅតាមផ្លូវ Myeondong តែម្នាក់ឯង ដោយដៃមានកាន់ក្បាលមីក្រូ និងធុងបាសធំមួយ។ ក្នុងសំលៀកបំពាក់កូនសិស្ស Minah បានច្រៀងបទ “Irresistible” របស់តារាចម្រៀងអាមេរិក Beyonce ដោយសំឡេងដ៏មានឥទ្ធិពលរបស់នាង ធ្វើឱ្យមានការចាប់អារម្មណ៍ជាខ្លាំងពីអ្នកដំណើរ។

មកដល់ពេលនេះមានរយៈពេល៦ឆ្នាំ ហើយនាងបានក្លាយជាតារាចម្រៀង និងសម្ដែងល្បី ក្នុងពិភពសិល្បៈដ៏ស៊ីវិល័យ នៅកូរ៉េខាងត្បូង។

ឆ្លើយតបនឹងភាពជោគជ័យរបស់តារា២១ឆ្នាំ ទស្សនិកជនម្នាក់បានបង្ហោះសារ លើ Community board Nate Pann ថា "មានក្មេងស្រីម្នាក់ ច្រៀងនៅផ្លូវ Myungdong ៦ឆ្នាំមុន។ ៦ឆ្នាំក្រោយ ក្មេងស្រីនោះបានក្លាយជាតារា ហើយនឹងត្រឡប់ទៅ Myungdong ម្ដងទៀត។ យើងនឹងស្វាគមន៍ ចំពោះការសម្ដែងបទចម្រៀង របស់ Minah ក្រុម Girl’s Day”។

ជាមួយគ្នានេះដែរ អ្នកគាំទ្រច្រើននាក់ទៀត បានសម្ដែងអារម្មណ៍រីករាយ និងស្ញប់ស្ញែង ចំពោះភាពជោគជ័យរបស់ Minah។ ទោះបីក្លាយជាតារាល្បី មានមនុស្សរាប់សិបនាក់គាំទ្រក្ដី តែតារារូបនេះមិនបំភ្លេចកំណើតដើមខ្លួនហើយត្រឡប់ទៅសម្ដែងនៅកន្លែងដែលនាងធ្លាប់សម្ដែងដដែល៕