អ៊ឹម ជីវ៉ា ចោរលួចគាស់ឡានយកអស់ជាង ៣ ពាន់ដុល្លារ យប់មិញ
- 2015-03-23 18:38:09
- ចំនួនមតិ 0 | ចំនួនចែករំលែក 0
អ៊ឹម ជីវ៉ា ចោរលួចគាស់ឡានយកអស់ជាង ៣ ពាន់ដុល្លារ យប់មិញ
ចន្លោះមិនឃើញ
លោក អ៊ឹម ជីវ៉ា បានប្រាប់ Sabay នៅព្រឹកនេះថា ចោរគាស់ទ្វារថយន្តយកទ្រព្យសម្បត្តិអស់ គិតជាទឹកប្រាក់ជាង ៣ ពាន់ដុល្លារអាមេរិក នៅម៉ោងប្រមាណជា ៨:៣០ នាទី យប់មិញ ថ្ងៃទី ២២ ខែ មីនា ម្សិលមិញ។
លោក អ៊ឹម ជីវ៉ា បានឲ្យដឹងថា ហេតុការណ៍នេះបានកើតឡើង នៅកោះពេជ្រ គ្រាដែលលោកនិងក្រុមការងារចុះទៅយកព័ត៌មានកម្សាន្តក្នុងកម្មវិធីមួយនៅទីនោះ។ លោក អ៊ឹម ជីវ៉ា ប្រាប់ថា របស់របរដែលបាត់នោះមាន ខ្សែកផ្លាទិន 5 ជី បន្តោងខ្សែក 2 ជី នាឡិកាដៃផ្លាទិនចំនួន 1 គ្រឿង, នាឡិកាដៃម៉ាកស្វីស 1 គ្រឿង , លុយដុល្លារ 490 ដុល្លារ លុយខ្មែរ ជាង 500000 រៀល លខិតឆ្លងដែន, អត្តសញ្ញាណប័ណ្ណ, កាតធនាគារ និង សម្ភារៈមួយចំនួនទៀត ដែលសរុបជាប្រាក់ជាង 3000 ដុល្លារ។ ជាមួយគ្នានោះកាបូបតារាសម្ដែងជើងចាស់ម្នាក់ឈ្មោះអ្នកស្រី ធន់ យុវណ្ណា ដែលបាក់ដាក់ក្នុងរថយន្តជាមួយលោក ក៏បានបាត់ផងដែរ ដែលសរុបជាទឹកប្រាក់ ជាង1000ដុល្លារ។
បែបនេះក្ដី តារារូបនេះមិនបានប្ដឹងទៅអាជ្ញាធរមូលដ្ឋានឡើយ ដោយគ្រាន់តែលោក បានទូរសព្ទ ទៅស្ថានីយវិទ្យុទាន់ហេតុការណ៍ឲ្យជួយផ្សាយ ដើម្បីស្វែងរកតែប៉ុណ្ណោះ។
លោក អ៊ឹម ជីវ៉ា បានសំណូមពរតាមរយៈ Sabay ថា ប្រសិនបើមានបងប្អូនបានប្រទះឃើញ លខិតឆ្លងដែន និង អត្តសញ្ញាណប័ណ្ណ ឬ កាតធនាគារ ដែលជនល្មើសយកទៅបោះចោល សូមមេត្តាជួយប្រាប់ផងតាមរយៈលេខ លោកផ្ទាល់ 069 66 06 91 នោះលោកនិងមានជូនជាសគុណ៕
អានអត្ថបទ៖ ទួច ស្រីពេជ្រ ធ្វើខួបឲ្យកូនទេ តែហៅតារាច្រើនគួរសម អានអត្ថបទ៖ រឿងកម្រ ព្រាប សុវត្ថិ ច្រៀងរួមគ្នាជាមួយ ខេមរៈ សិរីមន្ត យប់មិញ អានអត្ថបទ៖ ដឹងថា តារារូបណាខ្លះ ចូលរួមពិធីមង្គលការមហាសេដ្ឋីស្រុកខ្មែរយប់មិញ?
អត្ថបទ៖ ខុត សីហា