អ្នកណា​មិន​ស្គាល់ Britney Spears និង Jennifer Lopez ព្រោះ​ពួកគេ​ជា​តារា​ចម្រៀង​ល្បី​លំដាប់​ពិភពលោក។ ជោគជ័យ​ក្នុង​វិស័យ​សិល្បៈ តែ​មុខ​ជំនួញ​វិញ តារា​ទាំងពីរ​ធ្លាប់ស្គាល់​រសជាតិ​​បរាជ័យ រហូត​មាន​ម្នាក់​ជំពាក់​បំណុល​គេ ៤០ម៉ឺនដុល្លារ​អាមេរិក។

 

 Britney Spears

តារា​ចម្រៀង​វ័យ​៣៣​ឆ្នាំ Spears បាន​បើក​ភោជនីយដ្ឋាន​មួយ​ឈ្មោះ​ថា Nyla ជា​​ឈ្មោះ​​បញ្ចូល​គ្នា រវាង​ទីក្រុង New York និង LA មាន​ទីតាំង​នៅ​លើ​កោះ Midtown Manhattan ក្នុង​ទីក្រុង New York ដែល​មាន​​បញ្ជី​រាយ​មុខម្ហូប សរសេរ​ជា​ភាសា Cajun (កន្លែងនេះសំបូរជនជាតិភាគតិច Cajun)។

 

មិន​ដល់​៦​ខែ​ផង បញ្ជី​រាយ​មុខម្ហូប​ហាងបាន​ប្ដូរ​ជា​ភាសា​អ៊ីតាលី​វិញ ហើយ​​ម្ចាស់​បទ" Baby one more time” ​​បាន​ជំពាក់​បំណុល​គេ​ដល់​ទៅ ៤០​ម៉ឺន​ដុល្លារ​អាមេរិក ហើយ​ក៏​​​ផ្លាស់ប្ដូរ​ទីកន្លែង។ ព័ត៌មាន​បញ្ជាក់​ថា មូលហេតុ​បណ្ដាល​ឱ្យ​ដួលរលំ​ដូច្នេះ មក​ពី​នាង​គ្រប់គ្រង​​មិន​បាន​ល្អ។

 

​បើ​ផ្អែម​តាម​របាយការណ៍ សារព័ត៌មាន LV Review Journal កាល​ពី​​ខែ​សីហា ឆ្នាំ​២០១៣ ឱ្យ​ដឹង​ថា Spears មាន​មោទនភាព​ចំពោះ​កន្លែង​ថ្មីហៅថា Meatball Spot ហើយហាង​​របស់​នាង ​នឹង​បោះ​ទីតាំង​ថ្មី និង​បើក​ឡើង​វិញ​ក្នុង Planet Hollywood។

 

  Jennifer Lopez

មិន​ខុស​ពី Spears ប៉ុន្មាន​ទេ តារា​ចម្រៀង​ សម្ដែង បង្ហាញ​ម៉ូដ អាមេរិក​មួយ​រូប​ទៀត គឺ Jennifer Lopez ក៏​ធ្លាប់​​ជួប​បញ្ហា​នេះ​ដែរ ពេល​​នាង​បើក​ភោជនីយដ្ឋាន Madre’s ក្នុង​តំបន់ Puerto Rican​ ទីក្រុង Pasadena រដ្ឋ​កាលីហ្វញ៉ា ក្នុង​ឆ្នាំ​២០០២។

 

មិន​មាន​រយៈពេល​យូរអង្វែង​​ទេ ពោលគឺភោជនីយដ្ឋាន​​ដែល​បាន​ដំណើរ​ការ​៦​ឆ្នាំ​នេះ ត្រូវ​បាន​បិទទៅវិញ​​នៅ​ឆ្នាំ​២០០៨ ដោយ​ប្រភព​មិន​បាន​បញ្ជាក់​ពី​មូលហេតុ៕

 

 

មើល​រូប​ទាំង​នេះ​ហើយ ដឹង​ថា Britney Spears ស្រឡាញ់​កូន​ប៉ុណ្ណា

រ៉ូប Jennifer Lopez រំលេច​រូបភាព​ប្លែក​ៗ​អស្ចារ្យ​ពេល​សម្ដែង​នៅ​ American Idol

ប្ដី​ជាប់​គុក Kitty Zhang នៅ​​ជាមួយ​ប្រុស​ថ្មី​៣​ថ្ងៃ​ជាប់​គ្នា

 

 

ប្រែ​សម្រួល៖ អ៊ុំ សុភក្តិ ប្រភព៖ yourdailyscoop