Suzy នឹងឆ្លើយរាល់សំណួរពាក់ព័ន្ធទំនាក់ទំនងជាមួយ Lee Min Ho

2015-03-25 16:53:32
ចំនួនមតិ 0 | ចំនួនចែករំលែក 0

ចន្លោះមិនឃើញ

រឿងអាស្រូវ និងស្នេហាជាឧបសគ្គដ៏ធំសម្រាប់តារាល្បី ពិសេសគឺតារាស្រីតែម្ដង។ តារាមួយចំនួនហ៊ានប្រឈមនឹងរឿងនេះ តែមួយចំនួនទៀតព្យាយាមរត់ចេញមិនធ្វើការបកស្រាយ។ តែសម្រាប់ Suzy ក្រុម miss A នាងមិនរត់ចេញពីបញ្ហាឡើយ ហើយនាងនឹងឆ្លើយរាល់សំណួរពាក់ព័ន្ធនឹងស្នេហាជាមួយតារាសម្ដែង Lee Min Ho ពេលបង្ហាញខ្លួនជាមួយក្រុមនាងនាខាងមុខ។

រឿងរ៉ាវស្នេហារវាងស្រីស្អាតក្រុម miss A និងបុរសសង្ហា Lee Min Ho កើតឡើងស្របពេលដែលក្រុមរបស់នាងត្រឡប់មករកឆាកតន្ត្រីជាថ្មីតាមរយៈការបញ្ចេញអាល់ប៊ុមចម្រៀងថ្មី។ បើតាមការឲ្យដឹងពីផលិតកម្ម JYP ដែលជាទ្រនំរបស់ Suzy ឲ្យដឹងថា ព្រឹត្តិការណ៍បង្ហាញខ្លួនជាថ្មីរបស់ក្រុម miss A នឹងធ្វើឡើងទៅថ្ងៃទី ៣០ មិនា ខាងមុខ ហើយពួកគេគ្រោងនឹងឆ្លើយសំណួរទាំងអស់ មិនថា អាជីពចម្រៀង ឬស្នេហារបស់ Suzy ឡើយព្រោះវាមិនមែនជារឿងដែលត្រូវលាក់បាំងឡើយ។

អស់រយៈពេលមួយឆ្នាំកន្លះហើយ ដែល miss A ខកខានមិនបានចេញអាល់ប៊ុម ទាំងពីអាល់ប៊ុមចុងក្រោយមានចំណងជើងថា "Hush” របស់ពួកគេចេញកាលពីថ្ងៃទី ២ វិច្ឆិកា២០១៣ មក។ អាល់ប៊ុមថ្មី របស់ពួកគេ "Colors” នឹងបង្ហាញពីស្ទីលស្រស់ស្រាយសិចស៊ីរបស់នារីសម័យថ្មី៕

អាន៖Taylor Swift ទិញវិបសាយសិច

ប្រភព៖ soompi