ទីបំផុត Zayn Malik សម្រេចដើរចេញពី One Direction

2015-03-26 17:45:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Zayn Malik ដែលជាបុរសសង្ហាប្រចាំក្រុមចម្រៀង One Direction ដ៏ល្បីល្បាញរបស់ប្រទេសអង់គ្លេសបានសម្រេចចាកចេញពីក្រុមរបស់ខ្លួនហើយ។

បន្ទាប់ពីអវត្តមានក្នុងការប្រគំតន្ត្រីទេសចរណ៍ "On the Road Again” តារារូបនេះបានធ្វើការប្រកាសជាផ្លូវការតាមរយៈប្រព័ន្ធសង្គម Facebook នៅថ្ងៃទី ២៥ ខែមីនាថា៖ «ជីវិតរបស់ខ្ញុំជាមួយOne Direction គឺលើសពីអ្វីដែលខ្ញុំស្រមៃទៅទៀត។ តែរយៈពេលប្រាំឆ្នាំនេះខ្ញុំយល់ថានេះជាពេលវេលាដ៏សក្ដិសមសម្រាប់ខ្ញុំដើរចេញពីក្រុម»។ តារាប្រុសដដែលបន្តទៀតថាមូលហេតុដែលគាត់សម្រេចចិត្តបែបនេះគឺដោយសារតែគាត់ចង់ប្រែក្លាយជាមនុស្សសាមញ្ញម្នាក់ដែលមានសេរីភាពនិងមានពេលវេលាសម្រាប់ខ្លួនឯងខ្លះ។

សមាជិក៤ រូបទៀតក៏បានបង្ហាញពីការសោកស្ដាយរបស់ពួកគេចំពោះការចាកចេញនេះ តែទោះជាយ៉ាងណាពួកនៅតែគាំទ្រការសម្រេចចិត្តរបស់ Zayn។ One Direction នៅតែបន្តការប្រគំតន្ត្រីទេសចរណ៍របស់ពួកគេជាមួយនឹងសមាជិក៤រូបរបស់ខ្លួនដែលមាន Niall, Liam, Harry និងLouis ហើយក្រុមនេះក៏នឹងត្រៀមចេញអាល់ប៊ុមចម្រៀងទី៥របស់ខ្លួននៅពេលខាងមុខផងដែរ។

Zayn សម្ដែងពេលនៅក្នុងក្រុម One Direction

Zayn ចាប់ផ្ដើមប្រឡូកសិល្បៈជាមួយក្រុម One Direction តាំងពីឆ្នាំ២០១១មក ហើយគេទទួលបានការគាំទ្រពីសំណាក់ទស្សនិកជនតាមរយៈបទ "What Makes You Beautiful" ដែលជាពិរោះជាងគេក្នុងអាល់ប៊ុមដំបូងរបស់ 1D៕

អាន៖ Suzy នឹងឆ្លើយរាល់សំណួរពាក់ព័ន្ធទំនាក់ទំនងជាមួយ Lee Min Ho

ប្រែសម្រួល ៖ ហៃ សុខហេង ប្រភព៖ bbc 