ទឹកចិត្តក្មេងប្រុសបោសសំរាមជំនួសម្ដាយរកលុយចិញ្ចឹមជីវិត

2015-03-27 17:36:27
ចំនួនមតិ 0 | ចំនួនចែករំលែក 0

ចន្លោះមិនឃើញ

កុំថាឡើយធ្វើអំពើល្អដោយខ្លួនឯង ពេលខ្លះសូម្បីឃើញអ្នកដទៃបញ្ចេញកាយវិការប្រពៃពិតៗ ក៏អាចធ្វើឲ្យអ្នកមានអារម្មណ៍ថារំភើបដែរ។ រឿងល្អកម្រជួប ប៉ុន្តែវាបានកើតឡើងគ្រប់ពេល គ្រាន់តែអ្នកមិនអាចឃើញផ្ទាល់ភ្នែកប៉ុណ្ណោះ។ ជាក់ស្ដែង រឿងពិតក្មេងប្រុសម្នាក់ ចំណាយពេលបោសសំរាមជំនួសម្ដាយដោយទឹកមុខរីករាយពេលចេញពីរៀន បានទាក់ទាញចំណាប់អារម្មណ៍មនុស្សជាច្រើន និងធ្វើឲ្យគេរំភើបចិត្តយ៉ាងខ្លាំង។

ក្នុងសំលៀកបំពាក់អនាម័យគ្របពីក្រៅឯកសណ្ឋានសាលា លើក្បាលមានមួកការពារកម្ដៅថ្ងៃ ឯក្នុងដៃកាន់អំបោសមួយ ប្រឹងសម្អាតផ្លូវពោរពេញដោយទឹកមុខរីករាយ បានធ្វើឲ្យក្មេងប្រុសម្នាក់ជាប់ឈ្មោះជា "វីរបុរសសំរាម"។ ក្មេងប្រុសនោះឈ្មោះ Pornchai “Pon” Sukyod ជាសិស្សថ្នាក់ទី៩ នៅរាជធានីបាងកក ប្រទេសថៃ។

ម្ដាយរបស់ Pon មានការងារជាអ្នកបោសសំរាមតាមផ្លូវ ប្ដូរយកកម្រៃតិចតួចដើម្បីចិញ្ចឹមកូនប្រុសវ័យជាង ១០ឆ្នាំរបស់ខ្លួន។ ជាមនុស្សស្រីមានភាពទន់ខ្សោយណាស់ទៅហើយ មិននឹកស្មានថាថ្ងៃមួយត្រូវឡានបុកទៀត ដែលធ្វើឲ្យម្ដាយម្នាក់នេះកាន់តែមានភាពទ្រុឌទ្រោម។ បើទោះនៅក្មេងមិនទាន់ចេះពិចារណាអ្វីច្រើន ក៏ Pon ដឹងថាជីវិតម្ដាយមានភាពលំបាកយ៉ាប់យ៉ឺនយ៉ាងណា និងកើតចិត្តអាណិត ហើយជួយរ៉ាប់រងការងារទាំងនោះជំនួសម្ដាយពេលចេញពីរៀន។

ដោយគ្មានការខ្មាសអៀន ពេលចេញពីរៀន វីរបុរសសំរាមរូបនេះ បានស្លៀកពាក់ជាអ្នកអនាម័យ ទាញអំបោសពីដៃម្ដាយ មកធ្វើការងារខ្លួនយ៉ាងស្វាហាប់។ រឿងរ៉ាវនេះធ្វើឲ្យរំជួលចិត្តមនុស្សជាច្រើន រហូតក្រុមហ៊ុនធានារ៉ាប់រងមួយរបស់ថៃ បង្កើតជាវីដេអូឡើង...។

ទស្សនាសកម្មភាពដ៏អស្ចារ្យរបស់ក្មេងប្រុស៖