រូប​ថត​ពីរ​សន្លឹក​ត្រូវ​​បាន​គេ​ចែកចាយ​​ត​ៗ​គ្នា​ព្រោងព្រាត​នៅ​លើ​បណ្ដាញ​សង្គម ​Twitter ​ដែល​បង្ហាញ​ពី​​តារា​ចម្រៀង​ចង្វាក់​ Country ​គឺ​ Taylor Swift ​និង​បុរស​ថ្មី​ដែល​គេ​សង្ស័យ​ជា​សង្សារ​ថ្មី​របស់​នាង។ ​បុរស​ម្នាក់​នោះ​គឺ​ ឌីជេ​ជនជាតិ​ស្កុតឡែន​ Calvin Harris។​

Taylor និង​ Calvin ជជែក​ជាមួយ​ Fan ​ពេល​បណ្ដើរ​គ្នា​ចេញ​ពី​ហាង​ទំនិញ

តារា​ឧស្សាហ៍​ខក​ស្នេហ៍​ Taylor Swift ​​បាន​បណ្ដើរ​គ្នា​នឹង​ឌីជេ​ខាង​លើ​ចេញ​ពី​ហាង​ទំនិញ​មួយ​​ក្នុង​ទីក្រុង​ Nashville ​រដ្ឋ​​ Tennessee។​ ​​អ្វី​ដែល​គួរ​ឲ្យ​ចាប់​អារម្មណ៍​គឺ​អ្នក​ទាំង​ពីរ​ពាក់​អាវ​ដូច​គ្នា​ប្រៀប​ដូច​ណាត់​គ្នា ​និង​ជជែក​​​យ៉ាង​រីករាយ។ ​​​អ្វី​ដែល​​​អាច​បញ្ជាក់​ថា ​ពួកគេ​កំពុង​ទាក់ទង​គ្នា​មួយ​ទៀត​គឺ​ ឌីជេ​វ័យ​ ៣១ ​ឆ្នាំ​ទើប​បញ្ចប់​ទំនាក់ទំនង​ជាមួយ​មិត្ត​ស្រី​​​​​ថ្មីៗ​នេះ​ដែរ ​ដែល​នេះ​ជា​ឱកាស​ឲ្យ​អ្នក​ទាំង​ពីរ​អាច​ទាក់ទង​គ្នា​ពេញ​ទី​ដោយ​មិន​បារម្ភ​អ្វី​ទាំង​អស់។

តារា​ទាំង​ពីរ​ដួង​ត្រូវ​បាន​គេ​ដាក់​ការ​សង្ស័យ​នេះ​តាំង​ពី​ជួប​គ្នា​ខែ​មុន​ពេល​ពួកគេ​ជួប​គ្នា​​ក្នុង​កម្មវិធី​ចែក​ពានរង្វាន់​ BRIT Awards។

រង់ចាំ​មើល​បន្ត​ទៀត​ថា ​អ្នក​ទាំង​ពីរ​ព្រម​ទទួល​ស្គាល់​ចំណងស្នេហ៍​នេះ​មែន​ឬ​យ៉ាង​ណា៕

អាន៖ Nong Poyd ភេទ​ទី​៣​ទេ តែ​មិត្ត​ប្រុស​វិញ​ទាំង​សង្ហា​ទាំង​​កាលីប

​ប្រភព៖ ​tmz