​តារា​K-pop ​មួយ​ចំនួន​មិន​ត្រឹម​តែ​មាន​ទេព​កោសល្យ​ខាង​ច្រៀង​ ​និង​រាំ​ប៉ុណ្ណោះ​ទេ​ ពួក​គេ​ថែម​ទាំង​មាន​​នូវ​ចំណេះ​ដឹង​ដែល​ប្រិយមិត្ត​មួយ​ចំនួន​ស្មាន​មិន​ដល់​ទៀត​ផង​ ។​ ខាង​ក្រោម​នេះ​គឺ​ជា​តារា​K-pop​ទាំង​៨​ដួង​ដែល​មាន​ប្រាជ្ញា​គួរ​អោយ​ស្ងប់​ស្ញែង ៖

១. Seohyun ក្រុម Girls' Generation

Seohyun ត្រូវ​បាន​គេ​ចាត់​ទុក​ជា​​នារី​ម្នាក់​ដែល​ឆ្លាត​ជាង​គេ​ក្នុង​ចំណោម​ក្រុម​Girls' Generation ​ ហើយ​កាល​ពី​ថ្មីៗ​នេះ​នាង​ទើប​​​​បញ្ចប់​ការ​សិក្សា​ពី​មហាវិទ្យាល័យ​ Dongguk ​ដែល​ជា​គ្រឹស្ថាន​ឧត្តម​សិក្សា​​ជាប់​ចំណាត់​ថ្នាក់​លេខ​​១១ ក្នុង​ប្រទេស​កូរ៉េ ​អម​ដោយ​លិខិត​សរសើរ​ទៀត​ផង។

២. Hani នៃ​ក្រុម EXID

Hani ដែល​ទទួល​បាន​ភាព​ល្បីល្បាញ​តាម​រយៈ​វីដេអូ​ឃ្លីប​​នៃ​ការ​សម្ដែង​បទ​ "Up & Down" ​របស់​នាង​​ ​មាន​​ពិន្ទុ​​ IQ ​ដល់ទៅ​១៤៥ ហើយ​នាង​អាច​និយាយ​​​​​ភាសា​​​​ចិន​ និង កូរ៉េ​បាន​យ៉ាង​រលូន។​​ ​លើស​ពី​នេះ​ទៅ​ទៀត​នោះ​ ​នាង​អាច​ទទួល​បាន​ពិន្ទុ​ ៩០០ លើ​​ពិន្ទុ​សរុប​​ ៩៩០ ​​​ការ​ប្រលង TOEIC ( ភាសា​អង់គ្លេស​សម្រាប់​ការ​ទំនាក់​ទំនង​អន្តរជាតិ ) ​​ក្រោយ​ចូល​​រៀន​បាន​ត្រឹម​​​​រយៈ​ពេល​ពីរ​ខែ​ប៉ុណ្ណោះ ។

៣. Rap Monster នៃ​ក្រុម BTS

Rap Monster ដែល​មាន​ជំនាញ​ខាង​រ៉េប​ ទទួល​បាន​​៩០០ ​ពិន្ទុ​ចំពោះ​ការ​ប្រលង TOEIC នៅ​ពេល​ដែល​គេ​រៀន​នៅ​ថ្នាក់​វិទ្យាល័យ ចំណែក​ឯ​ពិន្ទុ​​​ IQ របស់​គេ​មាន​រហូត​ដល់​ទៅ​ ១៤៨ ឯណោះ​។

៤. Lim Si Wan សមាជិក​​ក្រុម ZE:A

មុន​នឹង​ក្លាយ​ជា​តារា​ចម្រៀង​ Si Wan គឺ​ជា​និស្សិត​ផ្នែក​វិស្វកម្ម​​​​ម្នាក់ គេ​មាន​សមត្ថភាព​អាច​ដោះ​ស្រាយ​ដុំ Rubik ក្នុង​រយៈ​ពេល​តិច​ជាង ៤០​ ​វិនាទី​ប៉ុណ្ណោះ។

៥. Taecyeon នៃ​ក្រុម 2PM

តារា​ចម្រៀង​សាច់​ដុំ​ Taecyeon អាច​និយាយ​បាន​បួន​ភាសា​ អង់គ្លេស​ កូរ៉េ ​ជប៉ុន​ និង​ អេស្ប៉ាញ ​បាន​យ៉ាង​ស្ទាត់​ជំនាញ ​ហើយ​តារា​រូប​នេះ​​​បាន​លទ្ធផល​ឥត​ខ្ចោះ​​ក្នុង​ការ​ប្រលង ​TOEIC ។ ​​បច្ចុប្បន្ន​បុរស​សង្ហា​រូប​នេះ​កំពុង​បន្ត​ការ​សិក្សា​ថ្នាក់​ក្រោយ​ឧត្តម​នៅ​សាកលវិទ្យាល័យ​ Dangook។

៦. Tablo ក្រុម Epik High

Tablo ជា​តារា​ចម្រៀង​ ដែល​មាន​ពិន្ទុ​ ​​IQ​ដល់​ទៅ​១៦០​ តារា​រូប​នេះ​បាន​បញ្ចប់​​ថ្នាក់​​អនុបណ្ឌិត​ផ្នែក​ភាសា​អង់គ្លេស​ពីសាកលវិទ្យាល័យ​ Stanford សហរដ្ឋអាមេរិក។​​ ហើយ​​ការ​រៀន​នៅ​ទីនោះ​ ​មាន​ឆមាស​មួយ​ដែល​តារា​រូប​នេះ​​​​ទទួល​បាន​​និទ្ទេស​ A ​និង​ A+  ​​​គ្រប់​មុខ​វិជ្ជា​ទាំង​អស់​។

៧. Roy Kim

តារា​ចម្រៀង​មុខ​ស្រស់​ Roy Kim សព្វ​ថ្ងៃ​កំពុង​សិក្សា​នៅ​សាកលវិទ្យាល័យ George Town សហរដ្ឋអាមេរិក ​ ហើយ​ទទួល​បាន​និទ្ទេស​A​​ ​លើ​៥​មុខ​វិជ្ជា ​​​​ក្នុង​​ឆមាស​ចុង​ក្រោយ​​នៅ​ទី​នោះ​។ ​គេ​ទទួល​បាន​ចំណាត់​ថ្នាក់​លេខ​មួយ​​ពេល​គេ​រៀន​នៅ​អនុវិទ្យាល័យ។

៨. Han Seung Youn នៃ​ក្រុម​ Kara

តារា​ចម្រៀង​ដ៏​ស្រស់​ស្អាត Seung Youn ​អាច​និយាយ​បាន​ស្ទាត់​ជំនាញ​នូវ​ភាសា​ កូរ៉េ ​ជប៉ុន ​ និង ​អង់គ្លេស នាង​ទទួល​បាន​ពិន្ទុ១១៥​លើ​១២០ ​ក្នុង​ការ​ប្រលង​ TOEFL។ ​នាង​​​បញ្ចប់​ថ្នាក់​វិទ្យាល័យ​ក្នុង​ចំណាត់​ថ្នាក់​លេខ​មួយ​ថែម​ទៀត៕

អាន៖ បុរស​៧៩​ឆ្នាំ​បង្ហាញ​ខ្លួន​ជា​តារា​បង្ហាញ​ម៉ូដ​ផ្អើល​ពេញ​ប្រទេស​ចិន

ប្រែ​សម្រួល​៖ ហៃ ​សុខហេង ប្រភព​៖​ koreaboo