Suzy បញ្ជាក់ឲ្យដឹងមូលហេតុដែលនាងស្រឡាញ់ Lee Min Ho

2015-03-31 15:55:07
ចំនួនមតិ 0 | ចំនួនចែករំលែក 0

ចន្លោះមិនឃើញ

នាពិធីបង្ហាញខ្លួនជាថ្មីជាមួយក្រុម miss A សមាជិកស្រស់ស្អាតជាងគេ Suzy Bae បានបង្ហើបពីទំនាក់ទំនងស្នេហារបស់នាង និងតារាសម្ដែង Lee Min Ho ដោយឥតលាក់លៀម។ ពេលត្រូវចោទសួរថា តើនាងចាប់អារម្មណ៍នឹងតួឯកប្រុសរឿង "Boys Over Flower” យ៉ាងម៉េច នាងឆ្លើយដូច្នេះថា៖ "គាត់ជាមនុស្សដែលយកចិត្តទុកដាក់ខ្លាំង និងមានភាពកក់ក្ដៅ អីចឹងហើយទើបចំណាប់អារម្មណ៍របស់ខ្ញុំទៅលើគាត់ចេះតែរីកធំឡើង។ យើងនឹងបន្តជួបគ្នាតទៅទៀត"។

អ្នកយកព័ត៌មានម្នាក់ទៀត លើកឡើងពីការណាត់ជួបរបស់ពួកគេនៅឡុងដុង ដែលធ្វើឲ្យមនុស្សគ្រប់គ្នាភ្ញាក់ផ្អើលជាខ្លាំងដោយសួរថា តើពេលវេលានៅទីនោះយ៉ាងណា។ សមាជិក miss A វ័យ ២០ ឆ្នាំ ឆ្លើយតបថា៖ "កាលវិភាគថតស៉្បតយើងជាន់គ្នា ដូច្នេះហើយទើបយើងជួបគ្នា។ យើងមិនបានធ្វើអ្វីពិសេសទេ។ យើងបើកឡានដើរលេង ញ៉ាំអាហារជាមួយគ្នា និងចំណាយពេលវេលានៅជាមួយគ្នាដូចមនុស្សធម្មតាប៉ុណ្ណោះ"។

ក្រៅពីស្នេហា miss A ដែលជាក្រុមចម្រៀងដែលជាទ្រនំរបស់ Suzy ទើបបញ្ចេញអាល់ប៊ុមថ្មី "Colors” ដែលជាអាល់ប៊ុមទី ៧ របស់ខ្លួន ហើយក្នុងអាល់ប៊ុមនេះមានបទ "Only You” ជាបទមេ៕

អាន៖ តារាK-pop ៨ដួងដែលអ្នកមិនដឹងថា ជាសិស្សពូកែ

ប្រែសម្រួល៖ សីហា ប្រភព៖ dramafever