Messi ជាប់លេខ១ ឆ្នាំ២០១៥ ឯ Ronaldo លេខ២៩?

2015-03-31 16:16:19
ចំនួនមតិ 0 | ចំនួនចែករំលែក 0

ចន្លោះមិនឃើញ

យោងតាមការសិក្សាស្រាវជ្រាវមួយរបស់ CIES Football Observatory បានឲ្យដឹងថា Lionel Messi គឺជាកំពូលកីឡាករដែលលេងបានល្អជាងគេបំផុត នៅក្នុងលីកលំដាប់កំពូលរបស់អឺរ៉ុប ប្រចាំឆ្នាំ ២០១៥ ខណៈដែល Cristiano Ronaldo ធ្លាក់ជើងយ៉ាងខ្លាំង ដោយស្ថិតនៅចំណាត់ថ្នាក់លេខ២៩ ឯណោះ។

CIES បានធ្វើការសិក្សាទៅលើកីឡាករ ដែលលេងនៅក្របខ័ណ្ឌ La Liga, Premier League, Bundesliga, Ligue 1 និង Serie A នូវចំណុចសំខាន់ៗចំនួន៦យ៉ាងគឺ ការស៊ុត ការបង្កើតឱកាស បង្កើតឱកាសគ្រោះថ្នាក់, ការរួមចំណែកបញ្ជូនបាល់ល្អ ការជួយរារាំងគូប្រកួតមិនឲ្យស៊ុតចូលទី និងការជួយសង្គ្រោះបាល់យ៉ាងពិបាក។

តារាឆ្នើមរបស់ក្រុម FC Barcelona (Messi) ដែលរកគ្រាប់បាល់បាន ១៧គ្រាប់ តាំងពីថ្ងៃទី០១ ខែមករា បានជាប់ជាកំពូលខ្សែប្រយុទ្ធមុតស្រួចបំផុត ដោយឈរនៅចំណាត់ថ្នាក់លេខ១ ខណៈដែលមិត្តរួមក្រុមរបស់គេ Luis Suarez ឈរនៅលេខ៤ និង Neymar ស្ថិតនៅលេខ១២។

រីឯគូប្រជែង ដែលតាមប្រកៀកនឹង Messi ក្នុងឆ្នាំ២០១៥នេះ គឺតារាឆ្នើម Arjen Robben របស់ក្រុម Bayern Munich និង Bas Dost របស់ក្រុម Wolfsburg ដែលស៊ុតបាន១១គ្រាប់ ក្នុងការប្រកួត៦លើកនៅ Bundesliga។

ដោយឡែក Ronaldo របស់ Real Madrid ដែលរកគ្រាប់បញ្ចូលទីបានតែ ៦គ្រាប់ នៅ La Liga តាំងពីចូលឆ្នាំថ្មី២០១៥មកនោះ ស្ថិតនៅលេខ២៩ ខណៈដែលមិត្តរួមក្រុមដៃគូរបស់គេ ក៏កាន់តែយ៉ាប់យ៉ឺនដូចគ្នា។ Gareth Bale ដែលត្រូវបានគេមើលឃើញថាធ្លាក់ទម្រង់លេងដែរនោះ ស្ថិតនៅលេខ៣៥ និង Karim Benzema ឈរលេខរៀងទី៣៧។

តើប្រិយមិត្តយល់យ៉ាងណាដែរចំពោះលទ្ធផលនៃការស្រាវជ្រាវខាងលើនេះ?

ចុចអាន៖ មើលវីដេអូនេះ ទើបដឹងថា Messi ជាកីឡាករពូកែញាក់ប្រឡោះជើងប៉ុណ្ណា

ប្រែសម្រួល៖ វិន ជីវ័ន្ត ប្រភព៖ ESPN