ក្រុម EXO ចេញ MV បទថ្មីភ្លាម ល្បីពេញពិភពលោក

2015-03-31 18:24:31
ចំនួនមតិ 0 | ចំនួនចែករំលែក 0

ចន្លោះមិនឃើញ

បទចម្រៀង "Call Me Baby” ពីអាល់ប៊ុមថ្មី "EXODUS" របស់ក្រុមចម្រៀងបុរសកូរ៉េខាងត្បូង EXO បានចេញជា MV ហើយនៅថ្ងៃនេះ។ ជាមួយគ្នានេះ បទចម្រៀងថ្មីរបស់ពួកគេបានជាប់ចំណាត់ថ្នាក់កំពូលលើតារាង iTunes នៅប្រទេសជាច្រើនជុំវិញពិភពលោក។

គេហទំព័រកូរ៉េ Soompi បានឲ្យដឹងថា អាល់ប៊ុមថ្មីរបស់ពួកគេដែលទើបតែចេញលើ iTunes បានជាប់ចំណាត់ថ្នាក់លេខមួយនៅប្រទេសជាច្រើនដូចជា ជប៉ុន ហុងកុង តៃវ៉ាន់ ថៃ សិង្ហបុរី ហ្វីលីពីន វៀតណាម ប្រ៊ុយណេ ឥណ្ឌូណេស៊ី ម៉ាឡេស៊ី និងកាហ្សាក់ស្ថាន។ អាល់ប៊ុមនេះបានជាប់លេខ ៣នៅ រុស្ស៊ី និងម៉ាកាវ លេខ៤ នៅទួរគី និងស្លូវ៉ាគី លេខ៥ នៅប្រទេសស៊ុយអែត និងសហរដ្ឋអាមេរិក លេខ៦ នៅហ្វាំងឡង់ លេខ៧ នៅអេស្ប៉ាញ និងលេខ៨ នៅកាណាដា។

សមាជិកក្រុម EXO ទាំង១០រូប នឹងចាប់ផ្ដើមសកម្មភាពផ្សព្វផ្សាយអាល់ប៊ុមថ្មីនេះ តាមរយៈការសម្ដែងលើឆាកតន្ត្រីនានា ដូចជា "M!Countdown”, “Music Bank”, “Music Core”, និង “Inkigayo” ចាប់ពីសប្ដាហ៍នេះ។

នេះជាការចេញអាល់ប៊ុមលើកដំបូងហើយរបស់ក្រុម EXO បន្ទាប់ពីសមាជិកពីររូប គឺ Kris និង Luhan បានចាកចេញពីក្រុម។ អាល់ប៊ុមមុនរបស់ពួកគេ គឺអាល់ប៊ុម "Overdose” បានចេញកាលពីខែឧសភា ឆ្នាំ២០១៤។

ទស្សនាបទចម្រៀងថ្មីរបស់ក្រុម EXO ខាងក្រោមនេះ៖

បទ "Call Me Baby” ជាភាសាកូរ៉េ៖