Real Madrid ទិញបានខ្សែការពារស្ដាំជម្រើសជាតិប្រេស៊ីលម្នាក់ទៀតហើយ
- 2015-04-01 16:48:10
- ចំនួនមតិ 0 | ចំនួនចែករំលែក 0
Real Madrid ទិញបានខ្សែការពារស្ដាំជម្រើសជាតិប្រេស៊ីលម្នាក់ទៀតហើយ
ចន្លោះមិនឃើញ
ក្រុម Real Madrid បាននាំយកខ្សែការពារជម្រើសជាតិប្រេស៊ីល Danilo Luiz da Silva ពីក្រុម Porto មកអេស្ប៉ាញជាផ្លូវការហើយ ដោយចាប់ផ្ដើមលេងពីរដូវកាលក្រោយទៅ ក្នុងកុងត្រារយៈពេល៦ឆ្នាំ និងមានតម្លៃខ្លួន៣១,៥លានអឺរ៉ូ (៣៣,៩លានដុល្លារអាមេរិក)។
យោងទៅតាមវិបសាយផ្លូវការរបស់ Real Madrid បានប្រកាសកាលពីម្សិលមិញថា៖ “Real Madrid និង Porto បានឈានដល់ការយល់ព្រមផ្ទេរ Danilo ហើយ ដែលនឹងមកចូលរួមជាមួយយើងនៅរដូវកាលក្រោយ និងនៅទីនេះរហូតដល់ថ្ងៃទី៣០ ខែមិថុនាឆ្នាំ២០២១”។
កីឡាករវ័យ២៣ឆ្នាំរូបនេះផ្លាស់ពី Santos មក Porto កាលពីឆ្នាំ២០១២ និងបានជួយក្រុមនេះលើកពានរង្វាន់នៅលីកកំពូលព័រទុយហ្គាល់បាន២ដង និងជាចំណែកមួយយ៉ាងធំក្នុងការជួយ Porto ឡើងមកលេងនៅពានរង្វាន់ UEFA Champions League ថែមទៀតផង។ លើសពីនេះទៅទៀត Danilo ក៏ជាកីឡាករធ្លាប់ឈ្នះមេដាយប្រាក់ម្នាក់ផងដែរឱ្យប្រេស៊ីលក្នុងព្រឹត្តិការណ៍អូឡាំពិកឆ្នាំ២០១២ ៕
ប្រែសម្រួល៖ មុន្នី រម្យ ប្រភព៖ fifa