កម្មវិធីទូរទស្សន៍មួយយក Zombie លង ស្ត្រីម្នាក់អត់ដឹងខ្លួនយំមែនទែន

2015-04-01 19:04:21
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្មវិធីទូរទស្សន៍មួយរបស់ប្រទេសប្រេស៊ីលបានរៀបចំនូវ Show បន្លាចដល់អ្នកដំណើរស្រ្តីវ័យ៣០ឆ្នាំម្នាក់ ដោយតម្រូវឲ្យអ្នកសម្ដែងជាច្រើនតែងខ្លួនជាក្រុមខ្មោច Zombie និងធ្វើការលងបន្លាចអ្នកដំណើររូបនោះនៅស្ថានីយរថភ្លើងក្រោមដីមួយកន្លែង។

ការសម្ដែងនេះត្រូវបានរៀបចំដោយពុំឲ្យអ្នកដំណើរដឹងជាមុន ប៉ុន្តែមានបង្កប់កាមេរ៉ាថតសកម្មភាពរបស់ពួកគេ។

នៅក្នុងកម្មវិធីនេះបានបង្ហាញអំពីស្ត្រីអ្នកដំណើរម្នាក់មានអារម្មណ៍ភ័យខ្លាចជាខ្លាំង។ ខណៈពេលដែលគាត់ស្ថិតនៅក្នុងស្ថានីយផ្លូវក្រោមដីស្ងាត់មួយកន្លែង ស្រាប់តែភ្លើងអំពូលរបស់រថភ្លើងចាប់ផ្ដើមលោតភ្លឹបភ្លែត ហើយមានក្រុមខ្មោច Zombie ចេញមកសំដៅគាត់។

ស្រ្ដីរូបនេះព្យាយាមរត់គេចដោយទម្លាយទ្វាររថភ្លើង។ អ្វីដែលគួរឲ្យភ្ញាក់ផ្អើល គឺនៅជុំវិញរថភ្លើងគឺសុទ្ធដែលជាខ្មោចទាំងអស់។ ក្រោយពីព្យាយាមរត់គេចចេញមិនបាន ចុងក្រោយគាត់បានត្រឹមឈរយំឱបបង្គោលដោយភាពភ័យខ្លាច។

កម្មវិធី Show ទូរទស្សន៍ Silvio Santos Program របស់ប្រទេសប្រេស៊ីលនេះបានធ្វើឡើងប្រហាក់ប្រហែលនឹងកម្មវិធីកំប្លែងរបស់ទូរទស្សន៍អាមេរិកឈ្មោះ American practical joke series Punk'd ដែរ៕