តារាល្បីៗដែលអ្នកមិនដឹងថា ជាអ្នកក្រមុនចូលសិល្បៈ

2015-04-02 00:32:24
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាល្បីៗពិភពលោកមួយចំនួនដែលលោកអ្នកឃើញមានជីវិតហ៊ឺហា ស៊ីវិល័យបច្ចប្បន្នធ្លាប់មានជីវិតឆ្លងកាត់ការលំបាក និងជីវិតក្រីក្រពីមុនដែលអ្នកមិនធ្លាប់បានដឹង។ តើតារាណាខ្លះដែលធ្លាប់មានប្រវត្តិឆ្លងកាត់ការលំបាកមុននឹងល្បី?

១. Nicki Minaj ទ្រព្យសម្បត្តិសរុបប្រហែល ១៤ លានដុល្លារ

តារារ៉េបដ៏ល្បីអាមេរិករូបនេះបានផ្លាស់ចេញពី Port of Spain ក្នុងប្រទេសទ្រីនីដាតទៅរស់នៅអាមេរិកពេលអាយុ ៥ ឆ្នាំ។ នាងធ្លាប់រស់នៅក្នុងតំបន់ Queens ដែលជនក្រីក្ររស់នៅក្នុង នៃទីក្រុងញីវយ៉ក។ នាងធ្លាប់បង្ហើបឲ្យដឹងថា កាលពីតូចនាងតែងបន់ស្រន់មុនគេងរាល់យប់ឲ្យឆាប់មាន ដើម្បីមើលថែម្ដាយរបស់នាងបាន។

២. Leonardo DiCaprio ទ្រព្យសម្បត្តិសរុបប្រហែល ២០០ លានដុល្លារ

តួឯកប្រុស "Titanic” ដែលគ្រប់គ្នាស្គាល់ចាប់ផ្ដើមជីវិតស្ថិតក្នុងសភាពក្រីក្រ និងហ៊ុមព័ទ្ធដោយឧក្រិដ្ឋជននៅក្នុងសង្កាត់ Hollywood។ លើសពីនេះ លោកក៏ធ្លាប់ធ្លាក់ខ្លួនជាជនអនាថាម្ដងដែរក្នុងជីវិត។

៣. Mariah Carey ទ្រព្យសម្បត្តិសរុបប្រហែល ៥០០ លានដុល្លារ

តារាចម្រៀងពូកែស្រែកម្នាក់នេះធំធាត់ដោយគ្មានអ្វីទាំងអស់។ ពេលផ្លាស់ទៅរស់នៅទីក្រុង ញីវយ៉កដំបូង ម្ចាស់បទ "We Belong Together” ត្រូវធ្វើការច្រើនមុខក្នុងពេលតែមួយដើម្បីចិញ្ចឹមក្រពះ។ តែជាសំណាង នាពិធីជប់លៀងមួយនាងត្រូវបាន នាយកប្រតិបត្តិមកពីផលិតកម្ម Columbia ចាប់អារម្មណ៍ ហើយពេលនោះហើយដែលជីវិតនាងត្រូវបានផ្លាស់ប្ដូរ។ ទេពកោសល្យដ៏ពូកែរបស់នាងជួយឲ្យ Mariah ឈ្នះពាន Grammy ចំនួន ៥ លើក និងស្ថិតក្នុងចំណោមតារាស្រីដែលលក់បទចម្រៀងដាច់បំផុតម្នាក់របស់អាមេរិក។

៤. Justin Bieber ទ្រព្យសម្បត្តិសរុបប្រហែល ៦៥ លានដុល្លារ

ឃើញឥលូវគេហ៊ឺហាបែបនេះ តែចំណុចចាប់ផ្ដើមដំបូងក៏មិនមានអីលេចធ្លោដែរ។ ដំបូងឡើយរូបគេរស់នៅក្នុងផ្ទះដ៏តូច ដេកលើសាឡុង និងដាច់បាយដោយពេលផងដែរ។ ក្រោយវីដេអូចម្រៀងដែលបង្ហោះនៅលើ Youtube បានទទួលការចាប់អារម្មណ៍ពីផលិតកម្មអាមេរិកជីវិតរបស់គេក៏ឈានប្រសើរឡើងមកដល់សព្វថ្ងៃ។

៥. Tom Cruise ទ្រព្យសម្បត្តិសរុបប្រហែល ២៧០ លានដុល្លារ

តារាសម្ដែងល្បីឈ្មោះម្នាក់នេះ ធំធាត់ក្នុងទីក្រុង Syracuse ដែលមានឪពុកចូលចិត្តប្រើហិង្សា។ កាលពីតូច គ្រួសាររបស់គេរស់នៅក្នុងភាពក្រីក្រ។ តែក្រោយសម្ដែងរឿងដំបូងៗទទួលការគាំទ្រ អាជីពតារាវ័យ ៥២ ឆ្នាំរូបនេះចេះតែលូតលាស់ទៅមុខជាលំដាប់រហូតក្លាយជាតារាលំដាប់ A នៅហូលីវូដ។

៦. Celine Dion ទ្រព្យសម្បត្តិសរុបប្រហែល ៤០០ លានដុល្លារ

ម្ចាស់បទ "My heart will go on” ក្នុងរឿង "Titanic” ដ៏ល្បីល្បាញកើតក្នុងគ្រួសារកាណាដា-បារាំងដែលមានសមាជិកដល់ទៅ១៤ នាក់។ ឪពុកម្ដាយរបស់តារារូបនេះត្រូវធ្វើការយ៉ាងលំបាកដើម្បីចិញ្ចឹមគ្រួសារដ៏ធំ។ មុននឹងក្លាយជាម្ចាស់ពាន Grammy រូបនាងធ្លាប់ជួបវិបត្តិហិរញ្ញវត្ថុរយៈពេលវែងផងដែរ។

៧. Leighton Meester ទ្រព្យសម្បត្តិសរុបប្រហែល ៥ លានដុល្លារ

នាងកម្សត់ជាងតារាផ្សេងទៀតត្រង់កើតក្នុងពន្ធនាគារសហព័ន្ធក្នុងរដ្ឋ Texas ដោយសារម្ដាយជាប់ទោសពីបទរត់ពន្ធគ្រឿងញៀនចូលអាមេរិក។ នាងត្រូវគេស្គាល់ខ្លាំងតាមរយៈការសម្ដែងរឿងភាគទូរទស្សន៍ "Gossip Girl”។ សព្វថ្ងៃក្រៅពីអាជីពសម្ដែង នាងក៏ជាតារាចម្រៀងមួយរូបដែរ។

អាន៖ ឈិនឡុង ទម្លាយរឿងចង់លែងប្រពន្ធ ពេលស្រីស្នេហ៍មានផ្ទៃពោះ

ប្រែសម្រួល៖ សីហា ប្រភព៖ elitedaily