ពីកម្មការិនីរោងចក្រ កា្លយជាស្ត្រីបច្ចេកវិទ្យាមានជាងគេនៅចិន

2015-04-02 22:34:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងវ័យ៤៥ឆ្នាំ Zhou Qunfei បានក្លាយជាស្ត្រីមានទ្រព្យសម្បត្តិច្រើនជាងគេបំផុតនៅក្នុងប្រទេសចិន ដែលមានទ្រព្យសម្បត្តិច្រើនជាង ៧,៤ ពាន់លានដុល្លារ ហើយអ្វីដែលគួរឲ្យស្ងើចសរសើរនោះ អ្នកស្រីបានចាប់ផ្ដើមការងារដំបូងរបស់ខ្លួនគឺគ្រាន់តែជាកម្មការិនីរោងចក្រ ដែលជួយផលិតកញ្ចក់នាឡិការឲ្យគេប៉ុណ្ណោះ។

Zhou Qunfei បានកើតក្នុងគ្រួសារក្រីក្រ នៅក្នុងភូមិតូចមួយនៅភាគកណ្ដាលខេត្ត Hunan ប្រទេសចិន។ អ្នកស្រីបានចាកចេញពីភូមិកំណើតទៅធ្វើការនៅភាគខាងជើងទីក្រុង Shenzhen ដែលជាបណ្ដុំសម្បូរទៅដោយរោងចក្រតម្លើងគ្រឿងឧបករណ៍ប្រើប្រាស់ផ្សេងៗ។

ក្រោយមកគាត់បានបង្កើតអាជីវកម្មផ្ទាល់ខ្លួនដោយផ្សងព្រេងក្នុងឆ្នាំ២០១៣ ដោយក្រុមហ៊ុននោះមានឈ្មោះថា Lens Technology មានទីស្នាក់ការកណ្ដាលនៅក្នុងស្រុកកំណើតរបស់ខ្លួនផ្ទាល់ ក្នុងខេត្ត Hunan។ ដោយធ្លាប់មានចំណេះដឹង និងមានបទពិសោធន៍ស្រាប់ គាត់ក៏បើកក្រុមហ៊ុនផលិតកញ្ចក់សម្រាប់ឧបករណ៍បច្ចេកវិទ្យាដូចជាទូរសព្ទ Smartphone, កុំព្យូទ័រ, និងកាមេរ៉ា។ បច្ចុប្បន្នក្រុមហ៊ុនរបស់អ្នកស្រីមានអតិថិជនជាក្រុមហ៊ុនល្បីជាច្រើនរួមទាំង Apple និង Samsung ផងដែរ។ មិនត្រឹមតែប៉ុណ្ណោះ ក្រុមហ៊ុនរបស់ស្រីក៏ផលិតកញ្ចក់អេក្រង់សម្រាប់នាឡិកា Apple Watch ថែមទៀតផង។

ក្នុងឆ្នាំ២០១៥ ទ្រព្យសម្បតិ្តរបស់អ្នកស្រី Zhou ក៏បានកើនឡើងបន្ទាប់ទីផ្សារមូលប័ត្រ (IPO) របស់ក្រុមហ៊ុន Lens Technology បានចូលក្នុងតារាងទីផ្សារភាគហ៊ុន Shenzhen Stock Exchange នៅពាក់កណ្ដាលខែមីនា។ បន្ទាប់ពីបានចូលក្នុងតារាង Shenzhen Stock Exchange មិនបានយូរប៉ុន្មានផងទីផ្សារភាគហ៊ុនរបស់ក្រុមហ៊ុនបានកើនឡើងច្រើនជាង ៣ពាន់លានដុល្លារ។ ត្រឹមតែពីរសប្តាហ៍ក្រោយមក ក្រុមហ៊ុនមានទុនច្រើនជាងពីមុនដល់ទៅពីរដង ដែលមានរហូតដល់ ៧,៤ ពាន់លានដុល្លារឯណោះ។ ចំនួននៃការកើនឡើងនេះបានធ្វើឲ្យអ្នកស្រីវ៉ាម្ចាស់ក្រុមហ៊ុនអចលនទ្រព្យ Fuwah International Group អ្នកស្រី Chan Laiwa ហើយក៏ក្លាយជាស្ត្រីដែលមានបំផុតនៅក្នុងប្រទេសចិន។ នេះបើតាមការចុះផ្សាយរបស់ទស្សនាវដ្ដី Forbes របស់អាមេរិក។

កន្លងទៅ បើទោះបីជាទ្រព្យសម្បត្តិរបស់អ្នកស្រី Zhou គ្រប់គ្រាន់អាចឲ្យគាត់ទិញរថយន្តទំនើប 2,200 McLaren P1 GTR ដែលមានតម្លៃ ៣,៣៦លានដុល្លារក៏ដោយ ក៏អ្នកស្រីនៅតែត្រូវបានបិទបាំងដោយអ្នកមានផ្នែកបច្ចេកវិទ្យាជាច្រើនផ្សេងទៀត។ ប៉ុន្តែមកដល់បច្ចុប្បន្ននេះ អ្នកស្រី Zhou បានកាន់កាប់ភាគហ៊ុន ៨៨ ភាគរយនៅក្នុងក្រុមហ៊ុនរបស់គាត់ហើយ។ ភាគហ៊ុនទីផ្សារសរុបគឺមានតម្លៃ ៨,៥១ពាន់លានដុល្លារ ហើយក៏ត្រូវបានគេទទួលស្គាល់ថាជាស្ត្រីដែលមានទ្រព្យសម្បត្តិច្រើនជាងគេក្នុងប្រទេសចិន៕

អានបន្ត៖ស្ត្រីខ្លាំងទាំង ៩ ក្នុងវិស័យបច្ចេកវិទ្យា

អានបន្ត៖ CEO វ័យក្មេង៥រូប មិនត្រឹមតែឆ្លាត ថែមទាំងមានសម្រស់ស្អាតមិនធម្មតា

ប្រែសម្រួល៖ សំនៀង ប្រភព៖ techinasia