យុវជនឡើងទទួលពានជាមួយ Miley Cyrus ត្រូវកាត់ទោសឲ្យជាប់គុក ៦ខែ

2014-10-08 18:07:32
ចំនួនមតិ 0 | ចំនួនចែករំលែក 0

ចន្លោះមិនឃើញ

យុវជន Jesse Helt ដែលបានឡើងទទួលពានជាមួយតារាចម្រៀងអាមេរិក Miley Cyrus ក្នុងកម្មវិធី MTV Video Music Awards និងជាអ្នកអានសុន្ទរកថារបស់នាង ត្រូវបានកាត់ទោសឲ្យជាប់ពន្ធនាគារ ចំនួន៦ខែពីបទបំពានការព្យួរទោសរបស់ខ្លួន នៅទីក្រុង Dallasរដ្ឋ Oregon។

យុវជនវ័យ ២២ឆ្នាំរូបនេះ ត្រូវបានប៉ូលិសនាំចូលសវនាការទាំងជាប់ខ្នោះ កាលពីថ្ងៃអង្គារ ក្រោយពីរូបគេបានសុំការសម្រាលទោសពីចៅក្រម Monte Campbell។ Helt បានប្រាប់ចៅក្រមថា គេចង់ឲ្យអ្នកគ្រប់គ្នា មើលមកគេជាមនុស្សល្អ មិនមែនជាមនុស្សបង្ករឿងក្នុងសង្គមនោះទេ។

Helt ត្រូវបានចាប់ខ្លួនកាលពីឆ្នាំ២០១០ សម្រាប់បទល្មើសមជ្ឈិម។ នៅឆ្នាំបន្ទាប់គេក៏មិនបានទៅជួបមន្ត្រីដែលមើលការខុសត្រូវចំពោះការព្យួរទោសរបស់ខ្លួន និងមិនបានបំពេញការងារសង្គមតាមការកាត់ទោសរបស់តុលាការឡើយ ក្រោយផ្លាស់ទៅរស់នៅ ទីក្រុង Los Angeles។ Helt បានស្វែងរកការងារជាតារាម៉ូដែល ហើយពេលខ្លះធ្លាក់ខ្លួនជាជនអនាថា ដេកតាមចិញ្ចើមផ្លូវ។

តារាចម្រៀង Cyrus បានជួប Helt ដោយចៃដន្យ និងបានអញ្ជើញគេឲ្យចូលរួម កម្មវិធីទទួលពានរង្វាន់ជាមួយនាង កាលពីថ្ងៃទី២៤ ខែសីហា ដែលធ្វើឲ្យមហាជនភ្ញាក់ផ្អើលយ៉ាងខ្លាំង។ ប៉ុន្តែការបង្ហាញខ្លួនជាសាធារណក្នុងកម្មវិធីនេះ ក៏នាំមានការសើរើរឿងជាប់ទោសរបស់គេឡើងវិញ ៕

អានអត្ថបទ៖លេចរូប Miley Cyrus ឲ្យអ្នកគាំទ្រលូកស្ទាបកេរ្តិ៍ខ្មាសតាមចិត្ត ពេលសម្ដែងលើឆាក