Miley Cyrus យកទង់ជាតិគេ មកលេងក្នុងកាយវិការសិច ឥលូវមានរឿង (វីដេអូ)

2014-09-19 21:51:49
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងប៉ុបអាមេរិក Miley Cyrus បានធ្វើឲ្យប្រជាជនម៉ិកស៊ីកូមានការក្ដៅក្រហាយ ក្រោយពីតារាវ័យ ២១ឆ្នាំរូបនេះ បានយកទង់ជាតិរបស់ពួកគេមកលាយឡំក្នុងការសម្ដែងមិនសមរម្យមួយ។

តារាចម្រៀងសិចស៊ីរូបនេះ នឹងអាចប្រឈមមុខនឹងការផាកពិន័យ ឬក៏ចូលពន្ធនាគារមួយរយៈខ្លី បន្ទាប់ពីនាងឲ្យអ្នករាំម្នាក់យកទង់ជាតិប្រទេសម៉ិកស៊ីកូ មកត្រដុសលេងលើគូទក្លែងក្លាយរបស់នាង ស្របពេលដែលនាងនឹងអ្នករាំទាំងនោះកំពុងបញ្ចេញកាយវិការរាំយ៉ាងស្រើបស្រាល លើឆាកតន្ត្រីទេសចរណ៍ ក្នុងទីក្រុង Monterrey ភាគខាងជើងនៃរដ្ឋ Nuevo Leon នៃប្រទេសម៉ិកស៊ីកូ កាលពីថ្ងៃអង្គារ កន្លងទៅ។ អ្វីដែលកាន់តែធ្ងន់ធ្ងរទៀតនោះ គឺថាថ្ងៃដែលនាងសម្ដែង គឺចំថ្ងៃបុណ្យឯករាជ្យជាតិរបស់ពួកគេតែម្ដង។

ក្រុមអ្នកច្បាប់នៃប្រទេសម៉ិកស៊ីកូ បានស្នើសុំឲ្យរដ្ឋាភិបាលកាត់ទោសតារាចម្រៀងរូបនេះ សម្រាប់ការប្រមាថជាតិរបស់គេ។ សមាជិកសភា លោក Franciso Trevino បាននិយាយថា "នាងនិងក្រុមរបស់នាង អាចនឹងត្រូវពិន័យជាទឹកប្រាក់ ១២០០ដុល្លារ ឬក៏ឃុំខ្លួន រយៈពេល ៣៦ម៉ោង"។

ក្នុងវីដេអូដែលគេថតបានពីលើឆាកនោះ គេបានឃើញយ៉ាងច្បាស់ថា ម្ចាស់បទ "Adore You” រូបនេះ បានរាំគ្រវីគូទ ដាក់ទង់ជាតិម៉ិកស៊ីកូ។

ប្រសិនបើត្រូវជាប់ទោសមែន Cyrus មិនមែនជាតារាទីមួយឡើយដែលមានទោសដោយសាររឿងនេះ។ កាលពីឆ្នាំ២០០៨ តារាចម្រៀងម៉ិកស៊ីកូ Paulina Rubio ត្រូវបានផាកពិន័យដោយសារបានថតរូបអាក្រាត ប៉ុន្តែបែរយកតែទង់ជាតិប្រទេសនេះមកបិទបាំង ៕