Vin Diesel គ្រោងថតរឿងនៅហ្វីលីពីន
- 2015-04-06 21:05:00
- ចំនួនមតិ 0 | ចំនួនចែករំលែក 0
Vin Diesel គ្រោងថតរឿងនៅហ្វីលីពីន
ចន្លោះមិនឃើញ
តារាសម្ដែងល្បីឈ្មោះ សញ្ជាតិអាមេរិក Vin Diesel បានឱ្យដឹងថា លោកនៅតែមានគម្រោង ចង់ថតខ្សែភាពយន្តនៅហ្វីលីពីន ប៉ុន្តែអ្វីដែលជាបញ្ហានោះគឺពេលវេលា។
ប្រភពបានឱ្យដឹងថា កាលទៅផ្សព្វផ្សាយរឿង “Fast & Furious 6” នៅហ្វីលីពីនឆ្នាំ២០១៣ ផលិតករកូនបីវ័យ៤៧ឆ្នាំ មានចិត្តលង់ស្រលាញ់ ប្រជាជន និងប្រទេសអាស៊ីមួយនេះ ហើយលោកថា នៅតែគ្រោងថតខ្សែភាពយន្តនៅទីនោះ។ លោកថា "បញ្ហាគឺនៅត្រង់ពេលវេលា ព្រោះខ្ញុំនៅតែរក្សាពាក្យសន្យារបស់ខ្ញុំ"។
Diesel បញ្ជាក់ថា "ខ្ញុំចង់ថតរឿងអ្វីមួយនៅហ្វីលីពីន។ មានការនិយាយច្រើនពីរឿងនេះ។ ក្នុងរឿង "xXx [The Return of Xander Cage]” ផ្នែកមួយចំនួនកើតឡើងនៅហ្វីលីពីន។ ខ្ញុំស្រលាញ់ហ្វីលីពីន"។
ក្នុងបទសម្ភាសន៍ក្នុងស្តង់មួយកាលពីពេលថ្មីៗនេះ នៅចំណតឡានកីឡដ្ឋាន Dodger ទីក្រុង Los Angeles រដ្ឋ California កន្លែងតាំងបង្ហាញរថយន្តក្នុងរឿង “Fast & Furious” តារាដែលមានបងប្អូនស្រីថ្លៃ ជនជាតិហ្វីលីពីន Diesel បានលើកសរសើរពីរថយន្ត Jeeps ដែលខ្លួនបានឃើញនៅហ្វីលីពីន និងធ្លាប់ជិះម្តងផង។
“ខ្ញុំចូលចិត្ត jeepney ...ខ្ញុំធំនៅ New York ដូច្នេះខ្ញុំចំណាយពេលយ៉ាងច្រើនក្នុងផ្លូវក្រោមដី។ ពេលនៅក្នុង jeepney ខ្ញុំមានអារម្មណ៍ដូចជាប្លែក។ នេះជាបទពិសោធន៍ថ្មី ដែលខ្ញុំទទួលបាន។ ស្រមៃមើល៍ថា បើខ្ញុំបានជិះឡាននេះទៅសាលារាល់ថ្ងៃ ជំនួសផ្លូវក្រោមដីវិញ ប្រហែលឡូយ"៕
ព្រះមហាក្សត្រម៉ាឡេស៊ីអញ្ជើញក្រុមចម្រៀងT-ARA ចូលរួមពិធីជប់លៀង
Suzy ក្លាយជាសមាជិកសមាគមសប្បុរសធម៌ ក្រោយបរិច្ចាគប្រាក់សន្ធឹកសន្ធាប់
ប្រែសម្រួល៖ អ៊ុំ សុភក្តិ ប្រភព៖ inquirer
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
